د اروپایي فوټبال جام لوبو په ترڅ کې چې په فرانسه کې روانې دي تېره شپه څلور مسابقې وشوې.
په لومړې یوې کې پرتګال او هنګري درې د درېیو په وړاندې مساوي شول.
په ورته وخت کې ایسلنډ دوه د یوه په وړاندې اُتریش ته ماتې ورکړه، ایټالیا له ایرلنډه یو د صفر په مقابل کې بایلوده.
د بلجیم او سویډن په لوبه کې بیا بلجیم یو ګول وکړ او لوبه یې وګټله.
د دوهم دور لوبې د شنبې په ورځ د کابل په وخت په پنځه نیمې بجې د سویس او پولنډ تر منځ پیلیږي.
د اروپایي هېوادو جام لوبې د جولای تر لسمې دوام کوي.