د ۲۰۱۶میلادي کال د اروپا د فوټبال اتلولیو کې پرون د ویلز ټیم روسیې ته د صفر په وړاندې په درې ګولونو ماتې ورکړه او د شپاړلسو غوره ټیمونو پړاو ته یې لاره وموندله.
د ویلز ټیم د فرانسې په ټولوز ښار کې له دې بریا وروسته د شپږ امتیازونو په لرلو د بي ګروپ په سر کې راغی.
د انګلستان ټیم د سلواکیا په وړاندې لوبه صفر- صفر مساوي پای ته ورسوله او د پنځو امتیازونو په لرلو سره یې د دې ګروپ دوهم مقام خپل کړ خو د روسیې د فوټبال ټیم چې د یو امتیاز په لرلو د دې ګروپ په وروستۍ درجه کې راغی له لوبو ووت.