د اروپا د ملتونو جام د فوټبال سیالیو په دوام به نن شپه دوې سیالۍ وشي.
د اروپا د فوټبال فدراسیون یا یویفا د معلوماتو له مخې به نن شپه د بلجیم ټيم د آیرلنډ له ټيم سره او آیسلنډ ټیم به د مجارستان له ټيم سره میدان ته ووځي.
د تیري شپې په سیالیو کې ایټالیا او هسپانیا ټیمونه وتوانیدل چې خپل سیال یعني سویډن او ترکیې ټیمونو ته ماتې ورکړي.
همدارنګه په دغو سیالیو کې د چک او کرواسیا ټیمونو ۲ ،۲ سره مساوي شول.
دغه سیالۍ به د جولای تر دیرشمې په فرانسه کې دوام وکړي.