د اروپا د فوټبال د اتلولۍ د لوبو په لړ کې دوه لوبې د افغانستان په وخت ترسره شوې.
په لومړې لوبه کې چې اته نیمې بجې پیل شوه د اتریش او هنګري لوبډلو ترمنځ.
د هنګري لوبډله وتوانېدله د دوو ګولونو په وهلو سره خپله سیاله لوبډله ماته کړي.
د ایسلنډ او پرتګال د فوټبال لوبډلې په ۱۱بجو او درې دقیقو میدان ته کښته شوې او په پایله کې د دوی لوبې مساویانه پای ته ورسېدې.
ټاکل شوې ده چې نن شپه د افغانستان په وخت درې لوبې ترسره شي.
لومړې لوبه چې پنځه نیمې بجې پیلیږي د روسيي لوبډله له سلواکیا سره میدان ته وځي. په دوهمه لوبه کې چې په اته نیمې بجې پیلیږي د رومانیا د فوټبال لوبډله له سویسزرلنډ سره سیالي کوي او په ۱۱نیمې بجې کوربه هېواد فرانسه به البانیا سره میدان ته ووځي.