د اروپا د فوتبال فدراسیون وروسته له هغې د روسیې په وړاندې انظباطي څېړنه پیل کړه چې پرون ناوخته د روسیې د ټیم پلویانو د فرانسې په مارسیلي کې د انګلند د ټیم پرملاتړو حمله وکړه.
د روسیې پلویانود لوبې له پای ته رسېدو وروسته چې یو یو مساوي ختمه شوه په لوبغالي کې له هغو امنیتي موانعو واوښتل او د انګلند د ټیم پر ملاتړو یې حمله وکړه چې د دواړو سیالو ټیمونو پلویان سره جلا کوي.
د اروپا د فوتبال فدراسیون دغه حمله وغندله او ویې ویل پر روسیې به په دغه لوبغالي کې د حملې په خاطر قوي بندیزونه ولګول شي.
د روسيې او انګلند ترمنځ پرون د اروپا د فوتبال د اتلولیو دا دریمه لوبه وه.