د اروپا د فوټبال په اتلولیو کې پرون ماښام سویس په یو ګول البانیا ته ماتې ورکړه.
له دې بریالیتوب سره سویس له فرانسې سره یو ځای د اولې ډلې په سر کې ودرید.
د تیرې شپې په دویمه لوبه کې د ویلز او سلواکیا ټیمونه د یو بل په وړاندې د لوبې میدان ته ووتل او دا لوبه د یو په مقابل کې په دوو ګولونو د سلواکیا په ګټه پای ته ورسېده.
د اروپايي هېوادونو د فوټبال د ۲۰۱۶ میلادي کال سیالۍ تېره ورځ د فرانسې او رومانیا ترمنځ په لوبه پیل شوې.
فرانسه په دې سیالۍ کې د یو په مقابل کې په دوو ګولونو بریالیتوب ته ورسېده.
ویل کېږي چې ددې لوبو لپاره سخت امنیتي تدابیر نیول شي.