په داسې حال کې چې افغان ولسمشر وایي حکومت یې په خپل وخت د ولسي جرګې او د ولسوالیو د شوراګانو د راتلونکو انتخاباتو ترسره کولو ته ژمن دی، خو د انتخاباتو د څار بنسټ وايي چې د حکومت د ژمنو د عملي کېدو څرک نه لګیږي چې د انتخاباتي نظام د اصلاح لپاره یې کړي دي.
د دغو انتخاباتو لپاره د تلې د میاشتې ۲۴مه نېټه ټاکل شوې خو د انتخاباتو د څار یو شمېر ډلې وایي چې تر اوسه ورته نه لازم تخنیکي تیاری نیول شوی او نه هم لازم اصلاحات عملي شوي دي.
یو له دغو بنسټونو د افغانستان د انتخاباتو د څاربنسټ دی.
نوریاس نوري د دغه بنسټ له مشر سره د مرکې په پیل کې پوښتنه کړې چې د ولسمشر دغه خبره چې حکومت به یې راتلونکي انتخابات په خپل وخت ترسره کړي، څومره پرځای بولي؟ جانداد سپین غر یي په ځواب کې وویل:
