د روغتیا وزارت په وینا، کله چې هوا تودیږي نو په روغتونو کې د هغو ناروغانو شمېر هم زیادتیږي چې په ګرمه هوا کې د لارې پر سر خوراک او څښاک کوي.
ډاکتران وایي چې له خوراک نه هم د څښاک په واسطه د انسان بدن ته مکروب ژر انتقالیږي؛ په لارو او کوڅو کې سره لمر ته هغه کراچۍ چې ناپاکې اوبه، شربتونه، تروې، د لیمو اوبه، د میوو جوس او داسې نور خرڅوي؛ د دې لامل شوي چې یوازې د انتاني په روغتون کې هر ورځ په لس ګونو کسان د نس ناستي او استفراق له وجې بستر شي.
