روغتون هغه ځای دی چې ناروغان د درملنې لپاره ورځي؛ خو یو شمېر کسان وایي چې ځینې روغتونونه دومره ناپاک دي چې ناروغ ته د روغېدلو په ځای نورې صحي ستونزې پیدا کوي.
ځینې ښاریان چې کله ناروغ بستر کړي د هغوی لپاره له کورنه د ضرورت وړ شیان راوړي؛ خو کلیوالو ته سخته ده چې روغتون ته بستره او نور توکي ورسره راوړي؛ ځکه خو ناروغان په تېره بیا کلیوال ناروغان د روغتون د ناپاکۍ ستونزې ګالي.
محمد نبي بیا په روغتون کې ناروغان او د هغوپایوازان هم د روغتو د ناپاکۍ لامل بولي او وایي؛ ځینې کسان چې کوم څه خوري پاتې شوني یې همالته اچوي.
