کثافات که د روغتون وي یا هم د نورو ځایونو د خلکو د استوګنې سیمو کې یې اچول ګڼې صحي ستونزې پیدا کوي، نو ځکه باید خوندي ځای ولري، خو په دې وروستیو کې لیدل کیږي چې په عامو لارو کې خاورې خځلې، د خوړو پاتې شونې او ان د روغتونونو کثافات چې د دوا بوتل، پیجکاري، ستنې او بمبې هم په کې وي په لارو کې لیدل کیږي.
د فاریاب اوسیدونکی محمد ګل وایي چې د هغوي په سیمه کې روغتونونه کثافات بې ځایه نه اچوي، خو کله چې د کابل ښار ته راغلي دلته هیڅوک د دې غم کې نه دي چې کثافات یو مناسب ځای واچوي.
