ټاکل شوې ده چې سبا د افغانستان د کرکټ ملي ټیم د عربي متحد اماراتو له لوبډلې سره د استرالیا په میلبرن کې مسابقه وکړي.
دا لوبه نړېوال جام لوبو ته د تیاري لپاره ده. تردې مخکې د چمتوالي لومړې لوبه افغانستان له هنده وبایلله او متحد عربي اماراتو له استرالیا څخه بایللې وه.
د کرکټ د پنځوس اورونو نړېوال جام لوبې د شنبې په ورځ د نیوزیلنډ په کرسچرچ ښارکې د سریلانکا او نیوزیلنډ له لوبې سره پیلیږي چې پای لوبه به یې د مارچ په نهه ویشتمه په استرالیا کې وي.