په افغانستان کې په تیره بیا د کابل په ښار کې په موټرو کې له ګازه کار اخیستل تقریبآ نوې خبره ده، هغه موټرچلونکی چې په موټرو کې ګاز کاروي وایي چې؛ د تیلو مصرف یي په سلو کې پنځوس راکم شوی.
له بله پلوه دا چې ګاز دومره ډیر دود نه کوي چاپیریال ته یې تاوان کم رسیږي، خو بلې خوا بیا یو شمېر نور کسان وایي چې؛ په ځینو موټرو کې د ګاز سوځولو ډیرې بدې پیښې رامنځته کړي.
د موټرو د ګازي کولو مسلکي کسان په دې نظر دي چې که چیرې موټرپه داسې چا ګازي شي چې په دې برخه کې نه پوهیږي نو د اور اخیستنې او د ګاز د ډبې د چودلو امکان حتمي وي.
د بغلان اوسیدونکی لطیف د داسې پیښې شاهد دی چې له همدې وجې رامنځته شوې.
لیکونکې- فرشته مرسل