د انتخاباتو پروسه پايته رسېدلې
د کابل د بي بي مهرو په انتخاباتي مرکزونو کې ټاکنې پايته رسېدلي او د رايو شمېرل پيل شوي دي.
د کابل په پلچرخي سيمه کې نښته شوې ده. د ازادۍ راډيو خبريال وايي د الله ګل مجاهد او ملا تره خېل ساتونکو په خپلو کې نښتې کړې دي. ويل شوي چې د الله ګل مجاهد ساتونکو خلک اړ ايستل چې يوه مشخص کانديد ته رايه ورکړي.
د کورنيو چارو وزارت وياند صديق صديقي وايي د الله ګل مجاهد او ملا تره خېل د ساتونکو ترمنځ د نښتې مسئله دوى څېړي. ويل شوي چې د ښاغلي مجاهد ساتونکو په کابل کې خلک اړ کول چې د ولسمشرۍ يوه کانديد ته رايه ورکړي.