د انتخاباتو خپلواک کميسيون وايي که چېرې په يوه مرکز کې راى پاڼې خلاصې شي، خلک کولاى شي بل نژدې مرکز ته ورشي او خپله رايه وکاروي.
د ازادۍ راډيو خبرياله ناجيه ساپۍ وايي د کابل په زياتو مرکزونو کې د خلکو د ګډون شمېر په زياتېدو دى. غرمه مهال په ټاکنو کې د خلکو ګډون په کمېدو و.
په کابل کې يو انتخاباتي مرکز
په کابل کې د ازادۍ راډيو خبرياله مهريه انوري وايي، په نهمه ناحيه کې غرمه مهال د خلکو ګډون کم و. هغې وويل يوشمېر ډېرې زړې ښځې يې هم ليدلي چې په ټاکنو کې يې برخه واخيستله.
د ننګرهار په کامه کې چې رايي پاڼې خلاصې شوې وې خلکو ته ډاډ ورکړل شوې چې انتخاباتي پاڼې به ژر ور ورسیږي.