د ولسمشرۍ د څوکۍ څلورو کاندیدانو لا هم خپلې شتمنۍ نه دي ثبت کړي

د افغانستان د انتخاباتو خپلواک کمیسیون وايي، د جمهوري ریاست څلورو کاندیدانو شهلا عطا، بشیربیژن، عبدالمجید صمیم او محمد کریم توسن تراوسه پورې خپلې شپتمنۍ نه دي ثبت کړي.

د انتخاباتو خپلواک کمیسیون د جمهوري ریاست د راتلونکو انتخاباتو ټولو ۴۱ کاندیدانو ته پرون وخت ورکړی وو، چې خپله شتمني ثبت کړي.

د دغه کمیسیون ویاند نور محمد نور ازادۍ راډیو ته وویل، که چیرې یادو شویو کاندیدانو ژر تر ژره خپله شتمني ثبت نه کړه نو د شکایتونو د اورېدلو کمیسیون ته به ور وپیژندل شي او قانوني چلند به ورسره وشي.