تیم ملی فوتسال افغانستان در دومین دیدار دوستانهٔ خود پیش از آغاز رقابت‌های جام جهانی فوتسال، با نتیجهٔ نزدیک چهار بر سه مقابل تیم مراکش شکست خورد.
این مسابقه که عصر امروز (دوشنبه، ۱۹ سنبله) در شهر تاشکند، ازبیکستان برگزار شد، بخشی از آمادگی تیم ملی فوتسال افغانستان برای نخستین حضور در جام جهانی فوتسال به شمار می‌رود.
روز گذشته، ملی‌پوشان افغانستان در دیداری تدارکاتی دیگر با تیم ملی پاراگوئه به تساوی ۲ بر ۲ دست یافتند.
تیم ملی فوتسال افغانستان که امسال برای اولین بار به رقابت‌های جام جهانی راه یافته است، در گروه «C» این مسابقات با تیم‌های آنگولا، ارجنتاین و اوکراین هم‌گروه است.