کمیته دولتی امنیت ملی تاجیکستان امروز چهارشنبه از کشته شدن سه جنگجوی تاجیکستان در مرز با افغانستان خبر داده است.
به گفته این کمیته، این جنگجویان که برای اجرای حملات تروریستی در خاک تاجیکستان، از افغانستان وارد آن کشور شده بودند، به روز سه‌شنبه در درگیری با نیروهای مرزی تاجیکستان کشته شدند.
طالبان هنوز در این مورد تبصره نکرده اند.
ماه ها قبل، بخش تاجیکستان رادیو آزادی گزارش کرده بود که پیش از اینکه طالبان کابل را تسخیر کنند، گروه انصارالله تاجیکستان را در ولسوالی‌های ماه می، نسی و شکی بدخشان در مرز تاجیکستان جابجا کرده بودند. گروه انصارالله مخالف حکومت تاجیکستان است.
طالبان به تمامی کشورها به شمول همسایگان افغانستان اطمینان داده اند که از خاک افغانستان منافع هیچ کسی تهدید نخواهد شد.
ژکفر احمدی در این مورد با مومن احمدی، خبرنگار بخش تاجیکستان رادیو اروپای آزاد/ رادیو آزادی گفت و گو کرده و نخست پرسیده است که اصل ماجرا از چه قرار است؟
