Жаңы салык эрежелерине байланыштуу нааразылык акциялары Бишкек, Ош, Талас, Каракол, Кара-Балта шаарларында уланды. Газа секторунда Израил армиясы согуш операцияларын кайра жандантты. Кыргызстанда башталгыч класстын окуучуларынын бир маал тамагына бөлүнчү акчаны көбөйтүү каралууда.
Мамлекеттик тууну өзгөртүү жөнүндө мыйзам долбоорун парламент биринчи окууда кабыл алды. Ал арада коомчулук, жаштар бул демилгеге каршы экенин билдирүүдө.
Боштукка кайрылып жатамбы, билбейм...
Генетикалык банк - Кыргызстандагы 2600дөн ашуун айыл-чарба өсүмдүктөрүнүн, мөмө-жемиштердин генофондун сактайт. Генбанк 2010-жылы Швеция өкмөтүнүн жана Скандинавиялык генетикалык ресурстар борборунун Nordgen долбоорунун колдоосу менен ачылган. Азыр кыргыз өкмөтү каржылайт.
Абу-Дабидеги Нью-Йорк университетинин изилдөөчү инженери Ажымурат Орозалиев былтыр жасаган кескелдирик жөнүндө изилдөөсү илимий чөйрөдө жаңылык жараткан. Ал “Азаттыктын” видеоподкастында илимдин экономикага таасири, жарандык жигердүүлүк, “акылдын агылышы” жөнүндө байкоолору менен бөлүштү.
Казыбек Мамыралиев өз өмүрүн, билимин, мээримин аялуу топтогу балдарга арнаган. Устат Нарындагы кесиптик лицейде өспүрүмдөргө кол өнөрчүлүктүн сырларын үйрөтөт. Казыбек агай окутуунун өзгөчө ыкмасын тандап, баланын эмоционалдык таасирлерин жана инсандыгын өнүктүрүүгө басым жасайт.
“Азаттык+” бул ирет Кыргызстанда дрон курап, протез чогултуп, роботтор беттешинде эл аралык сынактарды, чемпионаттарды багындырган жаштарды көрсөтөт.
Баткендин Сүлүктү шаарына жакын Кош-Булак айылында жашаган мугалим Жазгүл Ахматкулова өз үйүндө англис тил үйрөткөн чакан борбор ачты. Мындай сунушту ага элеттик ата-энелер берген. Эл аралык уюмдун колдоосу менен зарыл жабдууларды алып, ушул тапта 20дай окуучуга тил үйрөтүүдө.
Баткендин Тажикстан менен чектеш Самаркандек айылынын тургуну Нуриза үйүнөн эле кыз келиндерге укуктук жардам берип, ага кошумча тикмечилик менен алектенип жатат. Орусиянын жогорку окуу жайынан билимин жогорулатып, айылында бейөкмөт уюмдардын колдоосу менен өз ишин баштай алган.
Дагы жүктөңүз
