Ысык-Көл районунун Тамчы айылында сабалган бала таекеси христиан дининде болгону үчүн ур-токмокко алынганын туугандары айтышууда.
6-ноябрда АКШда өтө турган шайлоого быйыл бир нече мусулман аял катышып жатат. Алардын экөө Рашида Тлаиб менен Илхан Омар Конгресс мүчөлүгүнө баратышат. Башкалары жергиликтүү парламенттерге, губернаторлукка өз талапкерлигин коюшту.
Коомчулуктун өздөрүн “теңирчилербиз” деген өкүлдөрү Дин иштери боюнча мамлекеттик комиссиядан уюм катары каттап берүүнү суранып жатышат. Расмий каттоо аркылуу алар өз ишенимдерин кеңири жайылтыкысы келет. Теңирчилик деген эмне? Анын кандай ишенимдери жана жөрөлгөлөрү бар?
Кыргызстанда теңирчиликти диний уюм катары каттоодон өткөрүү талабы кайрадан көтөрүлө баштады.
Ал телевизор көрбөйт. Музыка укпайт. Мунун баарын арам деп эсептейт... Биздин атыбыздан эместин 6-чыгарылышында Казакстандын динге берилген жаштары жана алардын өзгөргөн көз карашы тууралуу сөз болот.
"Биздин атыбыздан эмес" долбоорунун 5-чыгарылышы Алматы шаарында тартылды. Казакстандын эң ири калаасынын жаштары экстремизмге кандай дуушар болушту?
Чоңдорубуз уктап жаткан мезгилде периштелер чоңдорубуздун мээсинен коррупция деген түшүнүктү таптакыр өчүрүп койсо, Кыргызстан жомоктогудай өлкөгө айланмак. Улутум Жер үстүнөн жексен болсо, Бейиштин бетин көргүм келбейт, Кудай!..
Казакстандан Сириядагы урушка алты жүзгө жакын адам кеткен. Абдан аялуу жерлердин бири Жезказган районундагы шахтерлордун Сатпаев шаарчасы болуп чыкты. Жезказгандык жаштар чоочун урушта жакындарынан ажыраганын, жамаатынын ичиндеги ажырымдын себептерин “Биздин атыбыздан эмес” программасында талкуулаш
...Эгер бетин жапкандар ыймандуу болсо, анда башын кумга тыгып алган төө куштар эң ыймандуу болмок. Мухаммед пайгамбар Кыргызстанда жашаса, анда ал сөзсүз ак калпак кийип жүрмөк.
Өткөн жумада “Таблиги жамаат” боюнча маселе парламентте кайрадан көтөрүлүп, бул диний уюмдун оң-терс жактары тууралуу пикирлер айтылды. Кыргызстандын атайын кызматы "Таблиги жамаат" уюму өлкөгө коркунуч жаратпайт деп билдирди. Бул уюмдан башка өлкөлөр, анын ичинде Казакстан менен Орусия эмнеге чочулап жатат? Ал эми "Таблиги жамааттын" Пакистандагы таасири кандай?
Индиянын өкмөтү мусулмандардын талак айтып ажырашуусун кылмышка теңеген буйрук чыгарды. Ага ылайык, аялына талак берген эркектер эми түрмөгө кесилет. Мындай чечимди көптөгөн жарандык активисттер, алардын ичинде мусулман аялдары колдогону менен каршы болгон адамдар да аз эмес.
Эл аралык "Хьюман Райтс Уотч" уюму кыргыз бийлигин жарандардын эркин маалымат алуу укугун чектебей, тыюу салынган материалдарды сактаганы үчүн гана эркинен ажыратылгандардын ишин кайра карап, аларды бошотууга үндөдү.
Дагы жүктөңүз
