«О, чиркин бир кеткен жан келсе кайра, Андай укмуш болушу кайда, кайда» дегендей куйкум сөздү куюлуштура сүйлөгөн ак кагаздын бетине берметтей ырларын төккөн акын, жүргөн жерин карк күлкүгө толтурган куудул артист, кара сөздүн каймагын калпый жазган прозаик, драматург, котормочу Райкан Шүкүрбековдун ордолуу калкы менен түбөлүккө коштошконуна быйыл 43 жылдын жүзү болду.
