Израил Газада жердеги толук масштабдуу операция баштаганын жекшембиде билдирди. ХАМАС көзөмөлдөгөн тилкенин саламаттыкты сактоо мекемеси 18-майга караган түнү жана жекшембиде 100дөн ашуун палестиналыктын өмүрү кыйылганын маалымдады. Тараптардын Катардагы тынчтык сүйлөшүүлөрүнөн майнап чыга элек.
АКШ президенти Дональд Трамптын Украинадагы согушту токтотуу ниетинде Орусиянын жана Украинанын башчылары менен өз-өзүнчө телефон аркылуу сүйлөшүү аракети жүрүп жаткан чакта Москва украин жергесинде адам өмүрүн алган кандуу дрон соккуларын күчөттү.
Иран өкмөтү өзүнүн өзөктүк программасына байланыштуу айтылып келаткан тынчсызданууну азайтуу жана бул маселе боюнча сүйлөшүүлөрдү тездетүү аракетин көрүүдө. Бул максатта ал жакында эле Кошмо Штаттарга жана Перс булуңундагы коңшуларына өз сунуштарын айтты.
Стамбулда Орусия менен Украинанын үч жыл мурун үзгүлтүккө учураган тынчтык сүйлөшүүлөрү жанданды. Киевдин делегациясын коргоо министри Рустем Умеров, Москванын делегациясын президенттин жардамчысы Владимир Мединский жетектеп жатат.
Курулуштагы кырсыктын кескин көбөйүшүнө байланыштуу Бишкек шаардык архитектуралык-курулуш көзөмөл башкармалыгынын башчысы менен курулуш компанияларынын биринин жетекчиси кармалды. Бир нече жыл мурда курулушта кулап кеткен он чакты учур, акыркы убакта жылына жүздөн ашуун факты катталууда.
Бейшембиде украин президенти Владимир Зеленский Анкарада түрк лидери Режеп Таип Эрдоган менен жолукту. Анын алдында орус президенти Владимир Путин Стамбулдагы сүйлөшүүлөргө өзү барбай турганын билдирген жана технократтардан куралган делегацияны жөнөткөн.
АКШнын президенти Дональд Трамп Эр-Риядда Сириянын утурумдук жетекчиси Ахмед аш-Шараа менен жолукту. Катардагы сириялыктар санкцияларды алуу жөнүндөгү кабарга кубанып турса, Израил аш-Шарааны "жихадчы" деп сыпаттап, Батыштын аны менен мамиле түзүүсүнө каршы.
Камактагы ишкер Имамидин Ташовдун ишине байланыштуу казак жараны кармалганы белгилүү болду. 31 жаштагы Тараздын тургунунун жакындары ал Ташов менен камактагы активист Тилекмат Куреновдун "каржылык тапшырмаларын аткарып, бийликти басып алуу аракетине көмөктөшкөн" деп айыпталып жатканын айтышты.
“Бийликти күч менен басып алуу” беренеси менен камалган ишкер Имамидин Ташовдун ишине байланыштуу Казакстандын жараны кармалганы белгилүү болду.
Эл аралык эмгек уюму Борбор Азиядагы миграциялык абал боюнча отчетун жарыялады. Документте эл аралык миграция тармагындагы маанилүү маселелер, акча которуулар, миграциялык чектөөлөр, мыйзамсыз миграция камтылган.
Өзгөчө кырдаалдар министрлигине караштуу аскер бөлүктөгү жоокерлер кабылган зордук-зомбулук боюнча кылмыш иши козголду. Интернетке чуулгандуу тасма тарап, коомчулук армиядагы жосунсуз жорукту кескин сындап жатат. Президент Жапаров өзгөчө кырдаалдар министри Бообек Ажикеевге сөгүш берди.
Дагы жүктөңүз
