Кыргызстандын Конституциялык соту Баш мыйзамга өлүм жазасын киргизүү тууралуу президенттин сунушун карай баштады. Эл аралык жана жергиликтүү укук коргоо уюмдары өлүм жазасын кайтаруу эл аралык милдеттенмелерге каршы келерин эскертүүдө. Президенттик администрация сунуштаган мыйзам долбоору аялдар жана балдарга каршы оор кылмыштарга өлүм жазасын киргизүүнү камтыйт. Эми Конституциялык сот бул боюнча өз бүтүмүн жарыялашы керек.
Кылмыш
26-ноябрда Вашингтондо Ак үйгө жакын жерде ок атып, АКШнын Улуттук гвардиясынын эки жоокерин жарадар кылган кишинин теги ооганстандык экени кабарланды. Шектүү кол салган учурунда өзү да жарадар болуп, кийин кармалды. АКШ президенти Дональд Трамп кол салууну "жек көрүү жана террордук акт" деп атап, Жо Байдендин тушундагы Ооганстандан келгендерге карата миграциялык саясатты кайра карап чыгууга чакырды.
