Куугунтук курмандыктары

• Сентябрь 10, 2006

  МЕЛИС ЭШИМКАНОВ: МЫЙЗАМСЫЗ АҢДЫГАНДАР ЖООП БЕРҮҮСҮ КЕРЕК

  Бүгүн кечинде Жогорку кенештин депутаты Мелис Эшимканов артынан андып жүргөн Улуттук коопсуздук кызматынын бир кызматкерин кармап алгандыгы тууралуу маалымдады. Депутаттын айтымында, белгисиз бирөөлөр эртең менентен бери эки машина менен анын артынан аңдып жүрүшкөн, алардын бири кармалып, ал Дмитрий Огородников деген коопсуздук кызматкери болуп чыкты. Улуттук коопсуздук кызматынын өкүлдөрү “аңдуу аракети болгон эмес” деп, бул доону четке кагууда. Ал эми бейөкмөт уюмдардын өкүлдөрү оппозициячыл депутатты аңдуу менен байланыштуу бул окуяга карата терең тынчсыздануусун билдирди.

• Июнь 02, 2006

  ЖОГОРКУ СОТ : АКСЫ ОКУЯСЫН КАЙРА КОЗГООНУН КЕРЕГИ ЖОК

  Жогорку сот бүгүн Аксы окуясы боюнча кайра тергөөнүн зарылдыгы жок деген чечим чыгарды. Соттун мындай чечимине нааразы болгон 10-15 адамдан турган аксылыктардын тобу Өкмөт үйүнө кирүүгө аракет жасашты. Аларды милиция кызматкерлери аскерлердин жардамы менен Өкмөт үйүнүн короосунан сыртка күч менен чыгарып койушту. Азыр Өкмөт үйүнүн алдында отуз чакты адамдан турган топ «Бакиев, сыртка чык, деп кыйкырып турушат. Жогорку сот Аксы окуялары боюнча кылмыш ишти Башкы прокуратуранын жаңы жагдайларга байланыштуу аны кайра тергөө тууралуу сунушунун негизинде карап баштаган эле. Анда бул иште жаңы жагдайлардын бар экени, мурдагы тергөөдө бийликтин жогорку тепкичиндеги жетекчилердин аракеттерине, «Тайфун» жана «Буран» операцияларына укуктук баа берилбегени белгиленген.

• Ноябрь 30, 2005

  РЫСБЕК АКМАТБАЕВДИН СОТУ УЛАНТЫЛДЫ

  30-ноябрда үч адамды өлтүрүүгө шектүү деп кармалган Рысбек Акматбаев баштаган 9 атуулдун үстүнөн сот жараяны улантылды. Мамлекеттик айыптоочу шек менен кармалган Акматбаев менен 9 атуулду генерал Чыныбек Алиевдин жана дагы эки адамдын өлүмүнө себепкер деген тергөөнүн корутундусун окуп берди. Шектелип жаткандар сотко айыптуу эмес экенин айтышып, тергөө мыйзам бузуулар менен бир тараптуу айыптоо багытында жүргүзүлдү деп эсептешти.

• Май 01, 2005

  БАЯМАН ЭРКИНБАЕВГЕ КОЛ САЛЫНДЫ

  28-апрелдин кечинде Жогорку Кеңештин депутаты Баяман Эркинбаевдин өмүрүнө кол салуу болду. Атылган ок мурдуна тийип, депутат андан катуу жабырланган эмес. Эркинбаев бул ок атууну саясатка байланыштырууда, бирок бул окуяны пиар акция катары карагандар да жок эмес.

• Март 12, 2005

  РОЗА ОТУНБАЕВА: «БИЙЛИК ЭЛДИ БАШКАРАЛБАЙ, ЭЛ БИЙЛИККЕ БАШ ИЙБЕЙ КАЛДЫ»

  Жакында "Атажурт" кыймылынын төрайымы Роза Отунбаева өлкөнүн түштүгүн кыдырып, нааразы болгон эл менен жолугуп кайтты. Саясатчынын пикирине караганда учурда элдик нааразычылык алда канча күчөп, оппозиция алардан артта калып калган. Ал эми бийликтин таасири, кадыр-баркы эл арасында жокко эсе. Мына ушундай шартта оппозиция кандай иш аракеттер менен алектенип жатканы тууралуу Роза Отунбаева «Азаттыкка» интервью берди.

• Январь 07, 2005

  ФЕЛИКС КУЛОВ: « МЕНИН ЭРКИМДИ ЭЧ НЕРСЕ СЫНДЫРА АЛБАЙТ!..»

  “Ар-Намыс” партиясынын лидери, экс вице-президент Феликс Кулов жаңы жылды төртүнчү ирет түрмөдөн тосту. Кулов Чүй облусунун губернатору жана Улуттук коопсуздук кызматынын министри болуп турганда кызмат абалынан пайдаланган, мамлекеттин казнасына чоң өлчөмдө зыян алып келген деген айып менен соттолгон. Бирок, Кулов соттун мындай чечимдерин четке кагып, өзүн айыпсызмын деп эсептеп келет. Анын мындай дооматтары боюнча соттук тергөө жүргүзүлүп, жеп-ичти деген айыптарга далил табылбаганы айкындалган. Айрым саясатчылар болсо Куловду “саясый туткун” деп карашууда. Кулов өткөн парламенттик шайлоо учурунда камакка алынган. Кабарчыбыз Жаркын Суран кызы азыр ушул тапта жаза мөөнөтүн өтөп жаткан Феликс Кулов менен маек уюштурган . Назарыңыздарга белгилүү саясатчы, “Арнамыс” саясий партиясынын абакта олтурган лидери Феликс Кулов менен болгон маекти сунуш кылабыз.

• Январь 04, 2005

  КЫРГЫЗСТАН «ДЕМОКРАТИЯ АРАЛЧАСЫ» ДЕГЕН ЖҮЗҮҢ КАЙДА?.. АЧЫП КОЙЧУ?..

  Чолпон Орозобекова, Бишкек Айрым байкоочулардын баамында, Кыргызстан мурдагы «демократия аралчасы» деп аталган жүзүн жоготту. Оппозициячыл саясатчылар Кыргызстанда демократиянын илеби калганбы же жокпу алдыдагы парламенттик шайлоо көрсөтөт деп үмүт артышат. Ал эми мамлекет башчы Аскар Акаев 2005- жыл өлкөдөгү демократиялык өнүгүүнү ого бетер бекемдөөнүн жылы болорун жарыя айтып келет.

• Декабрь 04, 2004

  ТУРСУНБЕК АКУН: ЖОГОЛГОНДУН ЖОРОМОЛУ КӨП…

  Кыяс Молдокасымов, Бишкек Кыргызстан адам укугун коргоо кыймылынын төрагасы Турсунбек Акун дайынсыз жоголгондон 15 күндөн кийин белгисиз адамдар тарабынан 1- декабрда кечке жуук саат 18 дин тегерегинде Бишкек шаарындагы 4-ооруканага жеткирилген. Түнкү саат 11 де укук коргоочу Турсунбек Акун жаткан бөлмөдөн бул жерге келген Улуттук коопсуздук кызматынын төрага орун басары Токон Мамытов, жубайы Гүлмира Жапар кызы жана башкалардан «Азаттыкка» кыскача маек алганбыз. Укук коргоочу Турсунбек Акун өзүн 16-ноябрда Улуттук коопсуздук кызматынын 2 кызматкери сүйлөшөбүз деп машинага салып, шаар четиндеги бир үйдүн жертөлөөсүндө кармап турганын айтса, Улуттук коопсуздук кызматынын төрага орун басары, генерал Токон Мамытов бул окуяга коопсуздук кызматынын эч кандай тиешеси жок экендигин билдирген.

• Октябрь 05, 2004

  НАИЛЯ КУЛОВА: «КЫРГЫЗСТАНГА КАЙТАР КҮНДҮ ЭҢСЕЙБИЗ»

  Чолпон Орозобекова, Бишкек http://gdb.rferl.org/6BB21C7B-E4A1-41FC-B4CC-6E244D8DFE60_w203.jpg «Арнамыс» партиясынын камакта жаткан лидери Феликс Куловдун үйбүлөсү АКШ өкмөтүнөн саясий башмаанек алышкан. Жубайы Найиля Кулова жана эки кызы Нью Йоркто жашагандарына үч жылдан ашты. «Азаттыкка» телефон аркылуу берген маегинде Наиля айым кыздарынын кусалыгы, өзүнүн көз жашы, Феликс Куловдун тагдыры жана алардын үйбүлөсүндөгү кыргыз тилинин орду өңдүү маселелерге токтолду.

• Апрель 14, 2004

  «ПИРАМИДА» СЫНАЛГЫ КАНАЛЫ ОБОГО САЯСИЙ СЕБЕПТЕРГЕ БАЙЛАНЫШТУУ ЧЫКПАЙ КАЛДЫБЫ?

  «Пирамида» сыналгы каналы 17-марттан бери метрдик диапозондо эфирге чыкпай калды. Алгач бул техникалык себептерге байланыштуу болгон окуя катары бааланган. Бирок, сыналгы каналдын башкы редактору Элина Чернявская «тийиштүү оңдоо иштери жүргүзүлгөнүнө карабай, биздин каналдын иштешине мүмкүндүк берилбей жатышында саясий себептер байкалууда» деген санааркаган пикирин бүгүн «Азаттыкка» билдирди.

• Март 18, 2004

  АКСЫ ОКУЯСЫ: ЭКИ ЖЫЛДАН КИЙИН

  Аксы окуясынан бери туура эки жыл өттү. Окуянын чоо-жайын өкмөттүк, парламенттик, аларга удаа коомдук комиссиялар иликтеп жыйынтыктарын чыгарышкан. Негизги күнөө жергиликтүү бийлик жетекчилеринде экени белгиленип, алардын бирдаары сот жообуна тартылышкан. Бирок алардын баары аз өтпөй эле мунапыс мыйзамына туш келип акталып чыгышкан. Бүгүн да 2002-жылдын 17-мартында эгемен Кыргызстан тарыхындагы кайгылуу окуяда набыт болгондор эскерилди.

• Март 11, 2004

  КООПСУЗДУК КЕҢЕШИНИН КАТЧЫСЫ АШЫРКУЛОВ: АКСЫ ОКУЯСЫНДА ЖЕРГИЛИКТҮҮ БИЙЛИК ӨКҮЛДӨРҮ КҮНӨӨЛҮҮ

  Бакыт Аманбаев, Бишкек Бүгүн (10-мартта) Жогорку Кеңештин Мыйзам чыгаруу жыйынында Аксы окуясынын эки жылдыгына карата палатанын төрт комитети тарабынан уюштурулган парламенттик угуу өткөрүлдү. Жыйындын катышуучулары Аксы окуясында адам өлтүрүү боюнча бүгүнкү күнгө чейин бир дагы бийлик өкүлү жоопко тартылбагандыгын айтышты. Ал эми Коопсуздук кеңешинин катчысы Мисир Ашыркулов «карапайым элди мээлеп аткандыгы үчүн күнөөлүү деп табылган жергиликтүү бийлик өкүлдөрү сот алдында жооп бериш керек» деген пикирин билдирди.

Дагы жүктөңүз