"Азаттыктын" Жалал-Абаддагы кабарчысы.
Жалал-Абад облустук көркөм сүрөт жатак мектеби жаңы имаратка муктаж. Өткөн жылы Өзгөчө кырдаалдар министрлиги бир кылым мурда салынган окуу жайдын имаратын кооптуу абалда деп корутунду чыгарган. Ушул тапта ал жерде 36 бала жашап, билим алууда.
Жалал-Абад маданият техникумунун кеминде үч кызматкери жумуштан кетип, жетекчиликтин ишине нааразы болушууда.
Жалал-Абад шаарындагы жаңы салынган айрым жолдор кайра эле жамалып-жаскалып жатканына тургундар нааразы.
Жалал-Абад аймагында сел жана жер көчкү коркунучу күтүлгөн аймакта кеминде миңден ашык үй-бүлө жашап жатканы айтылды. Көпчүлүгүнө өкмөт кайтарымсыз ссуда жана жер тилкелерин берген. Бирок алар жер которгон эмес.
6-февралда Жалал-Абад шаардык сотунда 10 айдан бери абакта жаткан ишкер Бакыт Борошовдун ишин караган сот 15-февралга калды. Ишкер сотто ага козголгон кылмыш ишин "саясий куугунтук” деп айтты. Ага былтыр 25-октябрда Кылмыш-жаза кодексинин “Өзүм билемдик” беренеси менен иш козголуп кармалган.
Сузактын Багыш айылында аялдар үчүн фитнес зал ачылды. Ушул тапта 20га чукул кыз-келин, аялдар машыгып жатышат. Бул жерге келгендер аз да болсо күнүмдүк түйшүктү унутуп, ден соолуктарына кам көрсөк дешет.
Сузактык 34 жаштагы тургуну Мунарбек Апаев 22-декабрда чогуу отурган шериктери менен уруша кетип, алган жараатынан улам ооруканада каза болгон. Милиция кылмышка шектүүнү камаган. Маркумдун жакындары тергөөнүн журүшүнө нааразы болуп, күнөөлүүлөр жазасыз калат деп кооптонуп жатышат.
Жалал-Абадда эки жыл мурун курулган муниципалдык базарда соода болбой, бирин-серин гана сатуучу калды. Көпчүлүк көнүп алган борбордук базардан соода кылып, жаңы базардын иш жүрбөй калганын айтып жатышат.
Сузактын Көк-Арт айыл аймагынын тургуну, күйөөсүнөн таяк жеп, ооруканага түшкөн 38 жаштагы келиндин абалын дарыгерлер "туруктуу оор" деп баалап жатат. Облустук милиция келин мурда дагы үй-бүлөсүндө ур-токмокко кабылып жүргөнүн билдирди. Келиндин күйөөсү убактылуу камалып, иликтөө жүрүүдө.
Бир жыл мурун Жалал-Абаддын Майлуу-Суу шаары жылуулуксуз калган. Катуу суууктан улам жылуулук системасы иштен чыгып, шаарда өзгөчө кырдаал жарыяланган. Калаа тургундары 20 күндөй жылуулуксуз жапа чеккен эле. Ал учурда өкмөт бул калаадагы жылуулук системасын оңдоону убада кылган.
Жалал-Абад облусттук балдар клиникалык ооруканасында сасык тумоо жана кызамык менен кайрылгандар көбөйдү. Ушул тапта жугуштуу оорулар бөлүмүндө жыйырма беш бала кызамык оорусунан дарыланууда. Балдар клиникасына күнүгө сасык тумоо же башка оорулар менен кайрылгандардын саны 100гө чыгып жатат.
Базар-Коргондун Аук айылынын четте иштеп жүргөн мигранттары туулган жерине футбол аянтчасын куруп беришти. Ага кеткен беш миллион сомду мигранттар көтөрсө, кара жумушун айыл тургундары жасаган. Жаңы аянтчада күндүз мектеп окуучулары дене тарбия сабагын да өтүшөт.
Токтогул Сатылганов туулуп-өскөн Кетмен-Төбө өрөөнүндөгү Чолпон-Ата айылында акындын жашаган үйү сакталып турат. Андан анча алыс эмес жерде акындын теберик буюмдары сакталган музейи бар. Бул жайга өлкөнүн булуң-бурчунан зыярат кылып келгендер көп.
Жыл сайын суунун деңгээли көтөрүлгөн мезгилде Сузактагы Кара-Дарыя айылында суу ташкындап, айдоо талааларын жууп кетүүдө. Андан көп учурда күрүч аянттары зыянга учурап жатат. Өкмөт дарыянын 11 чакырымдай жээгине дамба салууга киришип, бирок иш аягына чыга элек.
Жалал-Абад шаарындагы жалгыз бой, жардамга муктаж кыз-келиндер чакан ишкерликти үйрөткөн окууларга катышып жатышат. Шаардагы Курманбек аймактык башкармалыгынын башчысы Бактыгүл Алдосова бейөкмөт уюмдардын жардамы менен аялдар акырындап чакан иштерин баштап жатканын айтат.
15 жыл мурун дайынсыз кеткен кыргызстандык жубайлар Казакстандын Жамбыл облусунан табылып, консулдуктун жардамы менен мекенине кайтып келген. Бул окуя бир нече жылдан бери уул-кызынын дайынын таппай жүргөн ата-энелердин үмүтүн жандыргандай болду.
Жалал-Абад облусунун Аксы районуна караштуу Кош-Дөбө айыл аймагында мал уурулук күч алганын жергиликтүүлөр айтып даттанды. Мундуз, Токтогул айылдарында бир айда 30 баштан ашуун мал-жандык жоголгон. Айылдыктар уурунун артынан түшүп таап, милицияга өткөрүп берген.
Жалал-Абад шаарындагы мектептердин биринде 11 жаштагы кыздын экинчи кабаттан секирип кеткен окуясы боюнча териштирүү жүрүүдө. Окуучу уюлдук телефонун мугалим алып койгондуктан ушундай жолго барганын айткан. Анын сол буту сынып, ооруканага түшкөн.
Аксынын Кашка-Суу аймагынынын жергиликтүү бийлиги такырланган жайыттарды калыбына келтирүүгө умтулууда. Алар бейөкмөт уюмдарга долбоор жазып, тоют чөптүн уруктарын жана айдоо аянттарды тосмологонго керектүү материалдарды сатып алышты.
Жалал-Абаддын тургуну Асель Сапарбаеваны шаардыктар ал өзгөчө технология менен бышырган нан аркылуу таанып калышты. Ал нанды муздак сууга жууруп, камыртурушка ачытып, бышырат. Жалгыз бой эне колу бошой калганда мейманкада ашпозчу болуп, такси да айдап, үч баласын чоңойтуп жатат.
Дагы жүктөңүз
