ФИФА президенти Жанни Инфонтино эки күндүк иш сапар менен 4—майда Кыргызстанга келди. Дүйнөлүк футболдун жетекчиси сапар алкагында президент Садыр Жапаров менен жолугуп, Кыргыз футбол бирлигинин жаңы административдик имаратын ачты.
24-февралда Кыргызстанда Украинанын элчилигинин алдында да активисттер эскерүү иш-чарасын өткөрдү.
Мындан беш-он жыл мурда Кыргызстандын саздары менен сууларынан кызыл колтук баканы көпчүлүгүбүз көрсөк керек. Азыр бул баканы күндүз чырак менен да издеп таппайсыз. Адистер "Кызыл китепке" кирген кызыл колтук баканын жоголуп кеткенин биринчиден климаттын өзгөрүшүнөн, экинчиден, адамдардан көрүшөт.
Бишкекте ЕАЭБде газ базарын түзүү, ички рыноктун көйгөйлөрү сыятуу маселелер талкууланды. Өзбекстандын Фергана аймагында газ жоктугуна нааразы болуп чыккандарды милиция 10 күнгө камады. Кемпир-Абад иши боюнча эки айга чукул тергөө абагында отургандардын айрымдарынын камак мөөнөтү узартылды.
Жогорку Кеңештин айрым депутаттары парламентте бийликтин кысымы күчөп, эл өкүлдөрүнүн чечим кабыл алуусуна таасир этүү аракети болуп жатканын айтышты. Aр бир бийликтин маалында парламентти көмүскөдө туруп башкаргандар болгон. “Азаттык” Жогорку Кеңештеги “көмүскө кардиналдарды” иликтеди.
“Кумтөр Голд” ишканасы боюнча түзүлгөн депутаттык комиссия ишин баштай албай жатат.
Президент Жапаров кыргыз-өзбек чек арасын тактоо жана Кемпир-Абаддын суусун биргелешип башкаруу боюнча мыйзамдарга кол койду. "Бүтүн Кыргызстан" фракциясынын депутаты Исхак Масалиев алтын комиссиясынын төрагалыгынан өз каалоосу менен кетти. Украинада эл энергетикалык кризистен жапа чегип жатат.
Сот бийликти сындаган иликтөөлөрү менен таанылган журналист Болот Темировду депортациялоо чечимин чыгарды. Журналистти сот залынан кармап кетишти. Ереванда ЖККУнун саммитин утурлай нааразылык акциясы өттү. Кыргызстандан картошканы экспорттоо оор болуп жатат.
Казакстандагы шайлоодон кийин айрым байкоочулар дээрлик 80%дан ашык добуш топтоп, жеңишке жеткен Касым-Жоомарт Токаев эми Нурсултан Назарбаевдин таасиринен биротоло бошоду деген пикирде.
Эки күндөн кийин Катарда Футбол боюнча дүйнө чемпионаты башталат. Дүйнө чемпионатында алгачкы жолу аял-реферилер калыстык милдет аткарат.
Кемпир-Абад ишине байланыштуу эки айга кармалган активисттердин жакындары алардын жаш балдарыы бар экени эске алынбай калганына нааразы.
Башаламандык уюштурууга шек саналып камалган 20дан ашык саясатчы, активисттердин жакындары бийликти аларды бошотууга үндөштү.
Кыргызстан менен Өзбекстан жер алмашып, чек ара маселесине чекит коюуга аракет кылууда. Кыргызстан кошуна өлкөдөн 19699 гектар жер алып, ордуна Кемпир-Абад суу сактагычынын жерин берүүгө белсенип турат. "Азаттык" кыргыз-өзбек бийлиги пландаган жаңы чек аранын, 900-горизонталдын чегин иликтеди.
Кыргызстандык журналист Алишер Саиповдун киши колдуу болгонуна 15 жыл болду. Аны 2007-жылы 24-октябрда Ошто көчөдө белгисиз бирөөлөр атып кеткен. Журналист 2005-жылы Кыргызстанда болгон бийлик алмашууну, аймактагы диний экстремизмди, терроризмди жана Өзбекстандагы Анжиян окуясын жеринен чагылдырган.
Чек арадагы куралдуу жаңжалда Баткен районунун Достук айылы дээрлик толук кыйрап калган. Айылда 60 кожолуктан алты үй гана талкаланбай калган.
Баткен районунун Ак-Сай айылында эле 180 үй өрттөнгөн. Көк-Таш - Тамдык жолундагы 36 метрлик көпүрө жардырылган. Кандуу кагылышта чек арадагы кыргыз айылдарынан коопсуз жайларга убактылуу көчүрүлгөндөр - 140 миңден ашкан жаран, азырынча үйлөрүнө кайта элек.
Интернационал - Лейлек районунун Кулунду айыл аймагынындагы чек арадагы айыл. Баткендеги соңку чек ара жаңжалдын кесепетинен алдын-ала эсеп боюнча 282 объект талкаланды. Бул тууралуу Министрлер кабинетинин төрагасы Акылбек Жапаров "Азаттыкка" билдирди.
Расмий Бишкек кыргыз-тажик чек арасында 16-сентябрда башталган куралдуу жаңжалда Кыргызстандан 46 адам мерт болгонун, 140 киши жараат алганын билдирди. Жекшембиде Тажикстандын Тышкы иштер министрлиги 14-сентябрдан бери 32 тажик жараны каза тапканын, алардын көбү жайкын тургундар экенин маалымдады.
Баткен районунан жана Баткен шаарынан Кадамжайга 23 миңге жакын адам эвакуацияланып келген. Арасында кош бойлуу келиндер да бар.16-сентябрда кечке жуук Бишкектен Баткенге 67 тонна гуманитардык жардам жөнөтүлдү. Анын ичинде азык-түлүк, күнүмдүк жашоодо эң керектүү буюмдар бар.
