"Азаттыктын" "Арай көз чарай" берүүсүнүн алып баруучусу жана саясат, экономика, адам укугу жаатында баяндамачы.
ИИМдин Экстремизмге жана мыйзамсыз миграцияга каршы аракеттенүү боюнча кызматынын кызматкери, милициянын полковниги Улан Керимкулов “Азаттыкка” берген маегинде чет мамлекеттерден келген адамдар менен иштөө тартиби, мыйзамсыз жүргөндөрдү аныктоо, бирдиктүү саясат жүргүзүү маселелерине токтолду.
Башкырстандын борбору Уфа шаарында 14-15-майда өткөн “Валдай” клубунун жыйыны бул ирет Борбор Азияга арналды. Анда Орусиянын тышкы иштер министринин орун басары Михаил Галузин аймак менен Кремлдин кызматташтыгы өнүгөрүн айтып, АКШны, Батышты сындады.
Жакында Акыйкатчы институту Башкы прокуратурага аскер кызматкерлеринин укуктарын, өмүрүн жана саламаттыгын коргоону күчөтүү сунушу менен кайрылды. Омбудсмендин берген маалыматы боюнча акыркы убактарда аскер кызматкерлери арасында жаракат алып, ооруканага түшкөн учурлар катталган.
Украинага кол салгандан кийин изоляцияда калган Орусия жана анын президенти Владимир Путинге мурдагы советтик республикалардан курулган эгемен мамлекеттердин айрымдары огожо болуп келатат. 8-майда Москвада Жогорку Евразия экономикалык кеңешинин саммити, 9-майда аскердик парад өттү.
2-майда Сузак районунда 3000 бала катышкан фестивалда “Хундай Портер” автоунаасы тоодон ылдый жүрүп кетип, андан 30дай мектеп окуучусу жабыркады. Алардын ичинен он сегизи ооруканага жаткырылып, бешөө оор абалда экенин маалым.
Мурдагы омбудсмен, укук коргоочу Турсунбек Акун Орусияга барып, ал жактагы мигранттар менен жолугушуп жүрөт. Ал "Азаттыкка" курган маегинде “Крокус Ситидеги” окуядан кийинки жагдай, орус жергесиндеги мигранттардын абалы тууралуу айтып берди.
Үч округда парламент депутатын шайлоого байланыштуу оозеки жана жазуу түрүндө жалпысынан 50гө жакын кайрылуу түшкөнү расмий маалымдалды. Анын ичинде добуш сатып алуу боюнча чара көрүү суранычы камтылган кайрылуулар да бар.
Өзгөчө кырдаалдар министринин орун басары Урматбек Шамырканов Жогорку Кеңештин 25-апрелдеги жыйынында сел, суу ташкындардын кесепети жөнүндө маалымат берди. Сел болгон маалда ал жана министрдин башка орун басары чет өлкөгө кандай иш сапары менен барганын да түшүндүрдү.
Соңку күндөрү Кыргызстанга Батыштан бир катар делегациялар келсе, президент Казакстан, Азербайжанга сапар менен барды. Эгемендик алгандан бери алгачкы жолу келген Улуу Британиянын тышкы иштер министрли Дэвид Кэмерон Кыргызстандын өз өнөктөштөрүн тандоо укугу болушу керектигин билдирди.
Мамлекеттик тилдин айланасында талкуу дагы кызыды. Ага Жогорку Кеңештин төрагасы Нурланбек Шакиевдин кыргыз тилинин абалына тынчсызданган пикири себеп болду.
Бишкек шаардык соту Талас шайлоо округундагы шайлоонун жыйынтыгын жокко чыгарган чечимди күчүндө калтырды. Бул округдан шайланып келген парламент депутаты Бактыбек Чойбеков Жогорку Сотко апелляциялык арыз берери белгилүү болду.
Жаздын келиши менен борбор калаанын көчөлөрүндө чуңкур-чөнөктөр көбөйүп, коомчулук кызуу талкуулап, ал ырга, тамашага айланып, маселе Жогорку Кеңешке чейин жетти. Бул ирет Бишкек шаарындагы жолдордун абалын талкуулайбыз.
Бишкектин Биринчи Май райондук соту тынч чогулуштарды өткөрүүнү чектөө чечимин дагы үч айга узартты. Тийиштүү чечим 29-мартта кабыл алынган. Укук коргоочулар Конституцияда каралган адам укуктарынын бири болгон тынч жыйындарга чогулуунун минтип чектелип келатканына тынчсызданып жатышат.
Москвадагы «Крокус Ситидеги» теракттан кийин коопсуздук, терроризмге, диний экстремизмге каршы күрөш кайрадан күн тартибине чыкты.
Парламенттин мурдагы депутаты, коомдук ишмер Ишенбай Кадырбеков 24-марттын сабактары, окуянын келип чыгышы, андан кийинки саясий процесстер тууралуу "Азаттыкка" маек курду.
Президент Садыр Жапаровдун өлкөдөгү диний кырдаал, айрым жат көрүнүштөр тууралуу пикири талкууга түштү. Мамлекет башчы исламдын салттуу баалуулуктарына туура келбеген айрым көрүнүштөргө тынчсыздануусун билдирген.
Бүгүн Аксы окуясына 22 жыл толду. Мурдагы акыйкатчы Турсунбек Акун ал күнү укук коргоочу катары окуяга күбө болгондордун бири. Ал күндөрдүн сабагы, быйыл 9-мартта ошол эле Аксыда, Нарын жана Таласта өткөн нааразычылык акциялары, сөз эркиндиги, адам укуктары тууралуу "Азаттыкка" маек курду.
Депутат Шайлообек Атазов парламентте билдирүү жасап, мандатын алуу аракетине башкы прокурор Курманкул Зулушевди айыптады. Ал спикер Шакиевди да сындады. Ушул эле күнү дагы бир депутат Айбек Осмонов мандатын тапшырды.
Тил — улуттун улуттугун аныктаган маанилүү критерийлердин бири. Мамлекеттик тил Кыргызстанда өнүгүп жатабы, балдар эмнеге кыргызча сүйлөбөйт, тил саясаты эмнеге таянат? "Азаттыктын" талкуусуна “Биздин Мурас” коомдук фондунун жетекчиси Чоробек Сааданбек жана саясат талдоочу Руслан Акматбек катышты.
Кыргызстанда азык-түлүк коопсуздугу кандай? Өлкөнүн өз элине жетерлик тамак-аш запасы канча? Өкмөт базардагы тамак-аштын баасын канчалык көзөмөлдөп, жөнгө салып жатат? Социалдык жактан аярлуу катмарды тамак-аш менен камсыздоо жагы кандай чечилет?
Дагы жүктөңүз
