"Азаттыктын" Бишкектеги журналисти.
Жогорку Кеңештин төрагасынын орун басары Кубанычбек Исабековдун аш-тойлордогу эсепсиз чыгымды азайтуу боюнча токтомунун долбоору ушул аптада парламентте каралды. Бирок аны депутаттар колдогон жок.
Учурунда Акаевдин оң колу катары эсептелип келген коомдук-саясий ишмер Дастан Сарыгулов эмне себептен 2005-жылы ошол бийликке каршы турганын “Азаттыкка” берген маегинде айтып берди. Дастан Сарыгулов Ыңкылаптан соң мамлекеттик катчы кызматын аркалаган. Ал ыңкылаптын башкы максат-талаптары аткарылбаса да Акаевдин бийликти таштап чыгып кеткенин ийгилик деп эсептейт.
14-мартта Москвада кыргызстандык жаран поездге боюн таштап, өлгөнү кабарланууда. Милиция баштап кыргызстандык жаран кризистин айынан өзүн өзү өлтүргөн деп билдирген эле, кийинчерээк бул версияны четке какты.
Акаев бийлигине каршы турган башчылардын бири Топчубек Тургуналиев ыңкылап өз максатына жеткен менен, азыркы бийлик ошол кездеги убадаларды, максат-тилектерди аткарган жок, деп эсептейт. Ал “үй-бүлөлүк, кландык бийлик тоталитардык-диктатурага ооп баратат”, - деген ойдо.
“Азыркы шартта жаштарды тарбиялоо үчүн катуу тартип жана акыйкат идеология керек”, - дейт Кыргызстандын Эл жазуучусу, драматург Мырзабек Тойбаев “Азаттыкка” берген маегинде. Мырзабек Тойбаевдин 35-40 жыл мурда да актуалдуу болгон “Жоронун жоруктары” пьесасы азыркы заманга ылайыкташтырылып айрым оңдоолор менен кайрадан сахнада коюлууда.
Бир катар саясатчылар, саясат талдоочулар автоунаадан көз жумган адам Медет Садыркулов болгон жана аны саясий буюртма менен өлтүрүлдү деп белгилеп жатышат. Башкалары бул окуядан бир жактуу тыянак чыгаруу эрте деп эсептешет.
Жаш болсо да мукам үнү, комузу менен кыргызга аты чыгып калган Кундуз Таштаналиева элдик салттык музыканын өнүгүшүнө өз салымын кошуп келүүдө. Биздин маектеш учурда Кыргыз улуттук филармониясынын “Камбаркан” этнографиялык-фольклордук ансамблинде ырчы болуп иштейт. “Азаттык плюс” апта темасынын (“Аялзат”) алкагында К.Таштаналиева менен маекти сунуштайт.
Жогорку Кеңеште Социал-демократтар фракциясынын жетекчиси Бакыт Бешимов “Президенттин ишмердигиндеги кепилдиктер жөнүндөгү” мыйзамдан экс-президенттин кол тийбестиги жөнүндөгү жоболорду алып салуу жөнүндө сунуш менен чыгууда.
Сыргак Абдылдаевдин энеси Гүлжамал Абдылдаева "Азаттыктагы" маегинде баласынын өмүрүнө кол салуунун себебин анын кесиптик ишмердүүлүгү менен байланыштырып жатканын билдирди.
Үй-бүлөлөрдө аялдарга зордук көрсөтүү фактылары жыл өткөн сайын көбөйүп баратат. Кыргыз омбудсмени институнунун маалыматына караганда, акыркы төрт жылда 5 000 зомбулук көрсөткөн факты катталды. Аларда жабыркагандардын дээрлик баары аялдар. “Азаттык плюс” апта темасынын (“Аялзат”) алкагында маселеге кеңири кайрылат.
Кыргыз режиссеру Болот Шамшиев менен Маданият жана Маалымат министри Султан Раев 4-мартта АКШга сапар алышат. Ал жактан “Курманбек” эпосунун негизинде Голливуд менен тасма тартуу боюнча сүйлөшүүлөр өтмөкчү. Эгер иш оңунан чыкса, Орландо Блум, Киану Ривз же Бред Питт сыяктуу голливуддук актерлор Кыргызстанга келип калышы ыктамал. Бул тууралуу “Азаттыкка” Болот Шамшиев билдирди.
Соңку мезгилдерде кыргыз жаштары арасында динге берилген кыздар көбөйүп баратканы айтылууда. Бүгүн хижаб кийген кыз-келиндерди байма-бай жолуктурууга болот. Дин эксперттери муну улуттук идеологиянын жоктугу, жан дүйнөнүн боштугу менен байланыштырышууда.
Тажикстан "кыргызстандык тыңчы" деп айыптап жаткан Мухаммади Салимзоданы Кыргызстандын Улуттук коопсуздук комитети “биздин кызматкер эмес” деп чыкты. Азыр анын кыргыз жарандыгын алган-албаганы териштирилүүдө.
Кыргызстандык студенттердин арасында ISIC картасын колдонгондордун саны өсүүдө. Муну менен алар транспорт, айрым дүкөн, эс алуу жайларында акчаларын үнөмдөп калганга мүмкүнчүлүк алышты .
Мамлекет маданий имараттарга өткөн жылдан тартып көңүл бура баштады. Буга чейин депутаттар өлкөдөгү көзгө сүртөөр имараттардын кейпи кетип калганын сынга алып келишкен. Баарынан да мамлекеттик цирктин имаратынын абалы аянычтуу.
Өйдөдө өбөк, ылдыйда жөлөк болчу түбөлүк жар табуу кадыресе чоң маселе. Тандап алган жарыңа өмүр бою жылуу сезимди жоготпой жашоо, ортодогу сыйлоо, түшүнүү мамилелерин сактоо дагы өзүнчө бир чоң кеп.
Дарыгерлер барган сайын ашказан, ичеги карын оорулары менен кайрылган жаштардын саны көбөйгөнүн айтышууда. Алар мунун негизги себебин жаштардын тамак-ашына жакшы көңүл бурбагынына байланыштырышат.
Адистер акыркы кездерде кыргыздар жаңы төрөлгөн балага тарыхый аттарды коюуга аракет жасап жатканын белгилешет. Ошол эле учурда айрым тарыхчылар кыргыздын нукура аттары өчүп, кыргыз аттары арапташып баратат деп кооптонууда.
Бишкекте хиджаб кийгендиги үчүн мектепке барбай калган мусулман кыздардын укуктарын талкуулаган тегерек үстөл болду. Адистер ушунун айынан билим алуу укугунан ажыраган кыздардын көбөйгөнүн айтышууда. Акыйкатчы бул маселени дыкат изилдеп чыгуу максатында республикалык комиссия түзүүнү сунуш кылды.
Үстүбүздөгү жылдын 23-сентябрында кыргыз тил мыйзамынын кабыл алынганына 20 жыл болот. Бирок адистер арадан ушунча жыл өтсө да кыргыз тили өз деңгээлинде өнүкпөй келе жатканын белгилеп жатышат.
Дагы жүктөңүз
