"Азаттыктын" Бишкектеги журналисти.
6-7-апрелдеги окуялардын чоо-жайын иликтеген көз карандысыз комиссиянын өкүлдөрү кан төгүлгөн тополоңдун чыгышына Улуттук коопсуздук кызматынын чагымчыл аракеттери алып келген деген билдирүү жасашты. Алардын пикиринде, Акаев өстүргөн кадрлар Элмира Ибраимова, Абдыганы Эркебаев, Кеңешбек Дүйшөбаевдин 7-апрелде өз эрки менен атайын кызматтарга келип колго түшүп бериши да шек туудурат.
Мурдагы ички иштер министри Молдомуса Конгантиевдин 400 чамалаш жактоочулары 26-апрелден тарта Ош-Бишкек кан жолунун Бүргөндү-Майлы-Суу жолунун ортосун тосуп жатышат. Алар Убактылуу бийликтен М.Конгантиевди бошотууну талап кылып жатышат. Убактылуу өкмөттүн аппарат башчысы Эдил Байсалов “Азаттыкка” М. Конгантиевдин абдан маанилүү күбө экенин белгилеп, анын акыркы беш жыл ичинде болгон чуулгандуу кылмыштардын бетин ачуу үчүн зарыл маалыматтарды айтып бериши керек экенин билдирди.
Женева шаарында Бириккен Улуттар Уюмунун Адам укуктарын коргоо кеңешинде Кыргызстандын 2009-жыл үчүн адам укуктары жаатындагы отчету угулат. Бул тууралуу “Азаттыкка” Акыйкатчы Турсунбек Акун билдирди. Анын айтымында, отчет мурдагы өкмөт тарабынан түзүлүп, анын электрондук варианты мурда эле Женевага жөнөтүлгөн. Бирок соңку окуяларга карата отчет өзгөртүлүп даярдалды.
Кыргызстандын Беларустагы Атайын жана Ыйгарым укуктуу элчиси Ишенгүл Болжурова 23-апрелде Минскиде маалымат жыйынын чакырып, кыргыз элинин тарыхый тандоосун жана Убактылуу өкмөттү колдоого алуу чакырыгы менен эл аралык коомчулукка кайрылды.
Убактылуу өкмөт Улуттук телерадио корпорациясын коомдук телекөрсөтүү кылып кайра түзүү ниетин билдирди. Ага ылайык мындан ары, УТРК каржы маселесин албаганда бир дагы мамлекеттик органга баш ийбей, эркин болот.
Бишкектин түндүк тарабындагы жер талашка байланышкан кырдаал көзөмөлгө алынып, бүгүн абал тынчып калды. Кечээки тополоңдон 5 адам каза таап, Маевка айылында 7 үй өрттөлдү, дагы бир канча турак-жай талкалаган. Мындан сырткары 40 чакты адам жаракат алганы кабарланууда.
Бишкекте 18-апрелде Талас облусунан чыккан аттуу-баштуу адамдардын жыйыны өттү. Жыйынга катышкандар Убактылуу өкмөттү колдой тургандыктарын, ошол эле учурда чет мамлекеттерде билим алып, чет жерде иштеп жүргөн жаш кадрларды мамлекеттик башкаруу ишине тартуу зарылдыгын да белгилешти.
16-апрелде эки жүздөн ашык адам УТРК, андан кийин Убактылуу өкмөттүн айрым мүчөлөрү отурган Коргоо министрлигинин алдына нааразылык акциясына чыгышты.
Кыргызстанда иш алып барган Flexi Communications агенттигинин жетекчиси Вугар Халилов 12-апрелден бери УККнын убактылуу кармоочу жайында кармалууда.
Жарандык коомдун, айрым саясий партиялардын өкүлдөрү убактылуу өкмөттү чукул арада легитимдештирүүгө чакырды. Ошондой эле убактылуу өкмөттү бийликке монополия кылууну токтотууну талап кылып жатышат. Ал эми жаңы өкмөт өздөрүн толук бойдон мыйзам жолунда иштеп жатканын билдиришүүдө.
Убактылуу өкмөт айрым бейөкмөт уюмдар жана жарандык коомдун өкүлдөрүнүн сынына кабылууда. Алар өкмөттүн кадр маселесин чечүүдө бечелдик кылып, жасаган иштери ачык болбой жатканын белгилешип, аларды мурда тутунган принциптерди карманууга чакырууда.
Европа Биримдиги, ЕККУ, БУУ, АКШ жана Казакстан Кыргызстанга жардам берүүгө даяр. Бул тууралуу 12-апрелде убактылуу өкмөттүн башчысы Роза Отунбаева Европа Биримдигинин өкүлү Пьер Морел менен жолугушуудан соң билдирди.
Ынтымак курултайынын Төркеңеши өткөн аптада Ынтымак курултайын Эл өкүлдөр жайынына теңөө, ыйгарым-укуктарын Конституцияда белгилөө сунушу менен чыкты. Оппозиция өкүлдөрү муну бийликтин элди алаксытуу амалы катары баалап жатышат.
Оппозиция 7-апрелде жер-жерлерде боло турган Элдик курултайга даярдык көрүүдө. Деген менен оппозиция өкүлдөрү курултай алдында аймактык айрым мүчөлөрүнүн сабалышын, белгисиз бирөөлөр тарабынан коркутуп-үркүтүүлөр көп катталышын бийликтин курултайды болтурбоо аракети катары баалашууда.
Жогорку Кеңештеги СДП фракциясынын башчысы Роза Отунбаева БУУнун баш катчысы Пан Ги Мундун сапарынан соң бул уюмдун Кыргызстанга баа бериши таасирдүү болооруна ишенет.
“АУБ-Агро” 1-апрелге карай өлкө боюнча 55 млн. 437 миң сомдук насыя берди. Бул насыя жалпысынан 657 кишиге берилип, көлөмү 20 миң сомдон 70 миң сомго чейин болду. Өнүктүрүү фонду ошондой эле “Агроазыктүлүккорпорация” менен биргеликте дурус баада дыйкандардан төө буурчак, күн карама жана пахтанын түшүмүн сатып алууну пландаштырып жатат.
1-апрелде Кыргызстандын президенти Курманбек Бакиев менен Словакиянын лидери Иван Гашпарович жолугушуп, тараптар соода-экономикалык жана гуманитардык байланыш боюнча маселелерди талкуулашты. “Азаттыктын” тегерек үстөлү да ушул темага байланыштуу болуп, ага профессор Тилектеш Ишенмкулов жана тарыхчы Турат Сырдыбаев катышты.
31-мартта "Демократия жана жарандык коом үчүн" коалициясы эки темада - Баткен жана Талас эли менен айыл тургундарынын маалымат алуусу жана уюлдук байланышка кошулган 60 тыйын тууралуу - видео-диалог уюштурду.
Кыргызстандагы көз карандысыз медиа уюмдардын өкүлдөрү бийлик тарабынан ММКларды кайрадан каттоо боюнча мыйзам долбоор иштелип жатканына каршы пикирлерин айтышууда. Алар муну менен бийлик өзүнө жакпагандарын жаап салышы мүмкүн деп кооптонуп жатышат.
Бишкектин четинде жайгашкан Ак-Жар жаңы конушунун эки миңге чукул тургундары беш жылдан ашуун убакыттан бери суу, электр жарыгы жок жашап жатышканын айтып, бул маселелерди чечип берүүнү бийликтен талап кылып нааразылык акциясына чыгышты.
Дагы жүктөңүз
