"Азаттыктын" Бишкектеги журналисти.
Ош жана Жалал-Абаддагы жаңжал учурунда 1300дөн ашуун имарат талкаланып кеткен. Алардын көпчүлүгү калыбына келтирүүгө жарабай тургандыгын чыгымдарды эсептөө комиссиясы аныктап чыкты.
АКШ Убактылуу өкмөттүн аракеттерин колдойт жана түштүктөгү окуяда жабыркап, муктаж болгондорго жардам берүүнү улантат. Бул тууралуу АКШнын мамлекеттик катчысынын калкты жайгаштыруу, качкындар жана миграция маселелери боюнча жардамчысы Эрик Шварц жана Бириккен Улуттар уюмунун Качкындар боюнча Жогорку комиссары Антонио Гуттереш Кыргызстанга жасаган иш сапарынын жыйынтыгында билдирди.
Өткөөл мезгилдин президенти, Убактылуу өкмөт жетекчиси Роза Отунбаева мыйзамдык чечимдерди кабыл алуу үчүн өзүнчө бир ассамблея же комитет түзүлөөрүн билдирген. Мамлекет турмушундагы мындай жаңы көрүнүш бир далай күңкүл кептерге жем таштады.
Референдумдун жүрүшүнө көз салган эл аралык да, жергиликтүү да байкоочулар 28-июнда алгачкы бааларын берди. Алардын баамында, добуш берүүдө референдумдун жыйынтыгына таасир этүүчү одоно мыйзам бузуулар байкалган жок.
Өткөөл мезгилдин президенти, Убактылуу өкмөт жетекчиси Роза Отунбаева референдумдун алгачкы жыйынтыктарына баа берип, "Кыргызстан укуктук жолго түштү" деп билдирди. Бул тууралуу ал 27-июндун кечиндеги маалымат жыйынында айтты.
Эл аралык жана жергиликтүү байкоочулар референдумдун жүрүшүнө карата алгачкы баасын билдире баштады. Алардын баамында, добуш берүү учурунда азырынча одоно мыйзам бузуулар катталган жок.
Жамааттык коопсуздук келишими уюму Кыргызстандын түштүгүндөгү кырдаалды жөнгө салууга жана тополоң уюштуруп, чагым салгандарды табууга көмөктөшүүгө даяр экенин уюмдун баш катчысы Николай Бордюжа 25-июнда Бишкектеги иш сапары учурунда билдирди.
25-июнда Кыргызстанга Жамааттык коопсуздук келишим уюмунун (ЖККУ) баш катчысы Николай Бордюжа менен ЖККУнун кырдаалга көз салуу боюнча жумушчу тобу да келди. Николай Бордюжа иш сапарында Өткөөл мезгилдин президенти Роза Отунбаева, Коопсуздук кеңешинин катчысы Алик Орозов менен жолугушат.
АКШ Мамкатчысынын Борбордук жана Түштүк Азия боюнча жардамчысы Роберт Блэйк ишемби күнү иш сапары менен Бишкекке келди. Ал Өткөөл мезгил президенти Роза Отунбаева баштаган убактылуу өкмөт мүчөлөрү менен жолугушуп, Кыргызстандагы соңку кырдаалды талкуулады.
Жалал-Абадда абал турукташууда. Бирок элдин коркунучу тарай элек. Ал эми Сузак районунун тургундары менен сүйлөшүүлөр жүрүп жатат. Бул туурасында акыйкатчынын Жалал-Абаддагы өкүлү Алима Аманова “Азаттыкка” берген маегинде билдирди. Ал тополоңдо жабыркап ооруканага жаткандардын көбү ок жеп, токмок жегендер экенин белгилейт.
Өлкөнүн түштүгүндө кырдаал аз-аздан турукташа баштады. Анткен менен бул окуя кайрадан кайталанып кетпеши үчүн иш-чараларды көрүү башкы маселе болууда. Кырдаалды жөнгө салып, жаатташкан тараптарды элдештирүүгө сунуштар айтылууда.
Кыргызстандын Башкы прокуратурасы Максим Бакиевди кайтарып алуу боюнча документтерди Британиянын тиешелүү органдарына жөнөттү. Бирок эки өлкө ортосунда ушул багыттагы келишим жок болгон соң бул ишке ашпай калышы ыктымалдыгы айтылууда. Саясат талдоочу, мурдагы чекист Токтогул Какчекеев М.Бакиевди Кыргызстанга алып келүүнүн башка да жолдору бар экенин “Азаттыкка” берген мегинде билдирди.
Референдумга Конституциянын экинчи долбоорун коюу үчүн кол топтоо жүрөөрү 9-июнда “Эркин тандоо үчүн” деген аталышта жарандык коом өткөргөн жыйында маалым болду.
Кыргызстанда сөз эркиндиги үчүн алтын доор болуп жатат. Бул тууралуу көз карандысыз журналист жана эксперт, “Содружество” партиясынын негиздөөчүлөрүнүн бири Аркадий Гладилов “Азаттыкка” берген маегинде билдирди. Ал ошондой эле Конституциянын долбоору, референдум, сөз эркиндиги туурасында ой бөлүштү.
Орусияда жана Казакстанда кыргыз мигранттары үчүн түзүлгөн шайлоо бекеттери кескин кыскарды. Муну айрым укук коргоочулар мигранттардын добуш берүү укугун бузуу катары баалашууда.
Мурдагы президент Курманбек Бакиевге жана ага жакын кишилерге байланыштуу козголгон кылмыш иштеринин 80 пайызы иликтенип бүткөнүн Убактылуу өкмөт жетекчисисинин орун басары Азимбек Бекназров бүгүнкү маалымат жыйында билдирди.
Апрель окуяларынын кийин Казакстан Кыргызстандын транзиттик поезд каттамдарын, кыргызстандык эмгек мигранттарын текшерүүнү күчөттү.
Кыргызстанда адам сатуу боюнча фактыларды алдын алуу жана азайтуу максатында 189 номурлуу түз байланыш иштей баштады. Бул чет өлкөгө иштөө үчүн кете турган кыргызстандык жарандардын укугун жана милдеттерин түшүндүрүп, маалымат берчү байланыш. Деген менен адистер бул багытта ыкчам аракеттер көрүлбөй жатканын ырасташууда.
1-июнь – Кыргызстанда Балдарды коргоонун эл аралык күнү белгиленди. Буга карата Эмгек, жумуштуулук жана миграция министрлиги Бишкектеги балдар үйүнө 80 миң сомго жардам берген. Балдар укуктары жана аталган министрликтин учурдагы иш-аракеттери туурасында министрдин милдетин аткаруучу Бөдөш Мамарова “Азаттыкка” маек курду.
Өзбекстан Баткендин ичиндеги Сох анклавына кошумча аскерлерди, десанттык бөлүгүн жана милиция күчтөрүн киргизгени кабарланууда. Бул арада кыргыз тараптан чогулган тургундар Сохту Өзбекстан менен байланыштырган негизги жолду тосуп чыгышты. Кыргызстандын чек ара саясаты боюнча саясат талдоочу Орозбек Молдалиев “Азаттыктын” суроолоруна жооп берди.
Дагы жүктөңүз
