"Азаттыктын" Бишкектеги журналисти.
Президент Роза Отунбаева Ош облусу боюнча иш сапарынын жүрүшүндө улуттук-маданий борборлордун өкүлдөрү, жаштар уюмдарынын лидерлери менен, ошондой эле массалык тополоң окуялардан катуу жапа чеккен айылдардын тургундары жолугушуп, алардын арыз-муңун укту. Мамлекет башчысы жолугушуу учурунда эл ынтымакташып кризистен чыгып кетпесе, Кыргызстанды Чеченстанга айлануу коркунучу күтүп турганын эскертти.
Кыргызстанда айыл өкмөт башчыларын кайрадан эл тандоосуна коюу сунушталууда. Адистердин баамында, бул айылдык округдардын өнүгүүсүнө жана шайлоолордо административдик ресурстун колдонулбашына шарт түзмөкчү. Анткен менен айрымдар бул тууган-урук, жээк-жаатка бөлүнүүнү күчөтүшү ыктымалдыгын айтып жатышат.
Түштүктөгү талкаланган турак-жайларды калыбына келтирүүдө улуттук азчылыктын пикири эске алынышы керектигин БУУ баш болгон эл аралык уюмдар билдиришүүдө. Кыргыз тарап болсо көп кабат үйлөр курулса бир улут басымдуу кылган көчөлөр азайарын айтып жатат.
Акыйкатчы институту түштүктөгү коогалаңга байланыштуу алдын ала тыянагын чыгарды. Акыйкатчы Турсунбек Акундун айтымында, Ош жана Жалал-Абаддагы кандуу окуянын чыгышына сырткы күч жана террорчулардын тиешеси жок.
26-июлда Жогорку Кеңештин жанында “Тазалануу жөнүндө” мыйзамды кабыл алуу, Техникалык өкмөттөгү айрым кызматкерлерди кызматтан кетирүү, президенттин администрация башчысы Э.Каптагаевге ишеним көрсөтпөө, ЕККУнун полиция күчтөрүн Кыргызстанга кигизилишине каршы пикирлерин билдирген жана башка талаптар менен 5-6 топ митинг өткөрүштү. Алардын айрымдарын президент Роза Отунбаева кабыл алды.
Оштун айрым тургундары балдары коогалаңга тиешеси бар делинип камалып жатканына нааразы. Ошол эле учурда эл аралык уюмдар Кыргызстандын түштүгүндө адамдарды иргеп камоолор уланып жатканын билдирүүдө.
Өзгөртүү жана толуктоолор киргизилген Шайлоо кодексине ылайык, шайлоо учурунда бармакка белги коюу ыкмасы кайрадан киргизилди. Мындан сырткары шайлоо корунун суммасы эки эсе кыскарып, 50 миллион сом болду.
Сырткы күчтөрдүн коркунучунун алдын алуу максатында түштүккө Орусия менен АКШнын аскерий базалары убактылуу жайгашуусу ыктымалдыгын УКМКнын башчысы Кеңешбек Дүйшөбаев өткөн апта соңунда билдирген эле.
Чек ара маселелери боюнча адис, кыргыз өкмөтүнүн регионалдык маселелер боюнча бөлүмүнүн мурдагы башчысы Саламат Аламанов чек ара коопсуздугун бекемдөө үчүн чек арачылар атайын окуудан өтүп, көзөмөл бекеттери соңку техникалык жабдуулар менен камсыздалышы керек деп эсептейт.
16-июлда жаңы дайындалган техникалык өкмөт биринчи жыйынга чогулду. Президент Роза Отунбаева жыйында өкмөт мүчөлөрүнө кайрылып, коогалаңда жабыркагандарга жардам көрсөтүү биринчи кезектеги иштерден болоорун белгиледи.
Бейөкмөт уюмдардын өкүлдөрүнөн турган мобилдик топ түштүктөгү тополоңдун кайра кайталанып кетүү коркунучун четке какпайт. Алар дале адамдар жоголуп, айрым жайлардан ок атылып жатканын буга мисал катары айтышууда.
Бүгүн жаңы өкмөттөгү вице-премьер-министрлик кызматка дайындалган Өктөмхан Абдуллаева “Азаттыктын” суроолоруна жооп берди.
Ош жана Жалал-Абаддагы коогалаң орун алган аймактарда тамак-аш, азык-түлүк продуктуларынын таңсыктыгы болбойт. Бул жакка гуманитардык жардам жетишээрлик деңгээлде келип, запас үч айга жетери айтылып жатат. Бирок бул жардамдарды кышкыга калтыруу сунушталууда. Жаңжал болгон аймактын тургундары болсо гумжардам толук жетпей, же өтө эле аз берилип жатканын айтышууда.
Убактылуу өкмөттүн өкүлдөрү алдыдагы шайлоолорго катышуу үчүн кызматтарын тапшырып четинен кете баштады. Каржы министринин милдетин аткаруучу Темир Сариев 14-июлда кызматтан кетерин бүгүн жарыя кылды. Ушундай эле арызын Убактылуу өкмөт жетекчисинин орун басары Өмүрбек Текебаев президентке бүгүн жолдоду.
Июнь айында Жалал-Абад облусунун Базар-Коргон айылында башталган тополоңду уюштурду, улут аралык жаңжалга жем салды деп айыпталып жаткан “Воздух” укук коргоо борборунун жетекчиси Азимжан Аскаровдун бир айга чукул убактан бери камалып турушуна жергиликтүү жана эл аралык укук коргоочулар тынчсызданууда.
Ош жана Жалал-Абад шаарларын кыска убакытта калыбына келтирүү үчүн бери дегенде 500 млн. доллар талап кылынат. Кыргызстан бул каражаттын дээрлик көпчүлүк бөлүгүн эл аралык донор уюмдардан күтүүдө. Каражат негизинен июнь айындагы кандуу кагылашта үй-жайсыз калгандардын турак-жай маселесин чечүүгө жумшалмакчы.
Кыргызстан парламенттик шайлоо өткөрүү алдында турат. Шайлоо мөөнөтү расмий жарыялангандан соң Убактылуу өкмөттү жетектеп турган мүчөлөрүнүн көбү кызматын өткөрүп бере тургандарын билдиришкен. Алардын алды кызматтан кетүү боюнча арызын бере баштады. Анткен менен Убактылуу өкмөттүн башында турган партия өкүлдөрүнүн кайра мыйзамдык ассамблеяга биригиши айрым саясатчылардын сынына кабылууда.
Кыргызстандын президенти Роза Отунбаева Астанада өткөн Евразия Экономикалык Шериктештигинин мамлекеттер аралык кеңешинин алкагында бир катар өлкө башчылары менен жолугушуп, өлкөнүн түштүгүндөгү тополоң окуялардын кесепеттерин жоюуга жардам сурады.
Казакстан, Орусия жана Белорус ортосунда түзүлгөн Бажы биримдиги боюнча келишим бүгүндөн тарта күчүнө кирет. Ага Кыргызстандын да кирүү ниети барын президент Роза Отунбаева кечээ ЕврАзЭШтин Астанадагы жыйынында билдирди.
Кыргызстан менен Өзбекстандын ортосундагы Чек айылына байланышкан кырдаал боюнча Жалал-Абад облусунун губернаторунун милдетин аткаруучу Бектур Асановду сөзгө тарттык.
Дагы жүктөңүз
