"Азаттыктын" Бишкектеги журналисти.
"Крокус Сити Холлдогу" кол салуудан кийин Москва миграциялык мыйзамдарын дагы катаалдатууну көздөп жатат. Орусиядагы кыргызстандыктар көчөдө, үйдө текшерүүлөр көбөйүп, борбор азиялыктарга мамиле өзгөргөнүн айтышууда. Кыргыз парламенти мигранттардын соңку абалына кайрылды.
Кыргызстанда мамлекеттик ооруканаларга дары-дармек жеткирүү маселеси чечилбей жатат. Айрым аймактардагы ооруканаларда да ушундай көйгөй жаралды. Саламаттык сактоо министри Алымкадыр Бейшеналиев мындай маалыматты төгүндөп, өлкөдөгү ооруканалардын баары дары-дармек менен 100% камсыздалганын айтты.
Бишкектин административдик соту Маданият министрлигинин Kloop сайтын жабуу жана ага негиз болгон материалды өчүрүү тууралуу чечимин жокко чыгарды. Эгерде министрлик кийинки инстанцияга арызданбаса, сайттагы бөгөт алынат.
Кыргызстанда өкмөт билим берүү тармагын реформалоо аракетин баштаганын билдирүүдө. Билим берүү жана илим министрлиги мектептерге 12 жылдык окутуу системасын камтыган "Алтын Казык" программасын сунуштап жатат. Буга чейин мындай ондогон демилгелер көтөрүлүп, ишке ашкан эмес.
Орусиялык басылмалар эмгек мигранттарына дагы жаңы талаптарды киргизүү үчүн мыйзам долбоору даярдалып жатканын жазды. Документте атайын эмгек келишими менен барган мигранттарды кесибине карап жумушка алуу сунушталган. Эгерде кесиби боюнча иштебесе 15 күн ичинде чыгып кетүүгө милдеттендирилет.
Чет өлкөлүк журналисттер камактагы кыргызстандык кесиптештерин бошотуу талабы менен акция өткөрүшүүдө. "Кактус Медиа" маалымат агенттиги болсо, сот чечимине ылайык, "Вечерний Бишкек" басылмасына 600 миң сом төлөп берүү үчүн окурмандарынан акча чогултууну улантууда. Ал тапта президент Жапаров Кыргызстандагы медиа жетекчилери менен жолугуп, ЖМКлар менен конструктивдүү диалогду улантууга даяр экенин айтты.
Быйыл эки айда төрт эне төрөттөн ажал таап, 14 бала энесиз калды. Расмий маалыматтарга таянсак, былтыр 38 аял төрөттөн каза болгон.
Ишембиде Бишкектин четиндеги Мурас-Ордо жаңы конушуна жакын жердеги көлмөгө эки бала чөгүп, каза тапты. Жергиликтүү тургундар алар бир туугандар экенин, инисин куткарам деп артынан эжеси дагы түшүп кеткенин айтып беришти. Бул конушта январда беш жаштагы бала көлмө суусуна чөгүп кеткен эле.
Freedom House эл аралык уюмунун жаңы баяндамасында Кыргызстан төртүнчү жыл катары менен "эркин эмес" мамлекет аталды.
Быйыл эки айда төрт аял төрөттөн ажал таап, 14 бала энесиз калды. Жыл башында 21 жаштагы келин төрөт үйүндө жыгылып, дарыгерлер курсактагы ымыркайды дагы, энени дагы сактап кала алган эмес. Көп өтпөй эгиз төрөгөн 22 жаштагы келин көз жаргандан төрт күндөн кийин ооруканада каза болду.
Министрлер кабинетинин төрагасы Акылбек Жапаровдун коомдогу адеп-ахлак, каада-салт тууралуу айткан сөзү талкуу жаратты.
Экстремалдык спорт үчүн Кыргызстандагы шарттар кандай? Коопсуздук маселеси кантип чечилет жана куткаруу кызматтарынын иш-аракети канчалык жакшы уюштурулган?
Казакстан үч миңдей айылдын аталыштарын 2025-жылга чейин өзгөртүү планын жарыялаганы соцтармактын кыргыз сегментиндеги талкууларды кайра жандантты. Кыргызстанда буга чейин мындай сунуштар ишке ашкан эмес. Аны Москва кескин сындап, Мамлекеттик Думанын депутаттары билдирүү жасаган учурлар болгон.
Борбор Азия өлкөлөрүнүн жана Европа Биримдигинин атайын өкүлдөрү Ооганстандагы кырдаалды талкуулоо үчүн Бишкекке биринчи жолу чогулушту. Анда "Талибан" башкарып жаткан Ооганстандагы гуманитардык кырдаал, маңзат бизнесине жана эл аралык терроризмге каршы күрөшүү боюнча эксперттик пикир алышуу болду.
2023-жылы Британиядагы түшүм жыйноо сыяктуу мезгилдик жумуштар үчүн барган мигранттардын төрттөн бирин Борбор Азиянын тургундары түздү. Эксперттер алардын саны мындан ары дагы көбөйүшү мүмкүн экенин белгилеп жатат. Мунун башкы себеби катары Орусиянын Украинадагы согушу айтылууда.
Журналисттик иликтөөлөргө багытталган The Insider интернет басылмасы орусиялык атайын кызматтын тыңчылары бейөкмөт уюмдарга, оппозициялык кыймылдарга аралашып, маалымат жыйнап жүргөн учурлар аныктаганын жарыялады.
6-февралда “Жалпыга маалымдоо каражаттары жөнүндө” талаштуу мыйзам долбоору парламент комитетинин күн тартибинен алынды. Буга чейин документти эки комитет колдогон. Ал арада Бишкектин Биринчи Май райондук соту 24.kg агенттигинин кеңсесин ачып берүү жөнүндө өтүнүчүн карап, четке какты.
Якутск шаарында жергиликтүү тургундун өлүмүнө айыпталып жаткан тажик тектүү орус жаранын жазага тартуу, бул кылмышка тиешеси бар башкаларды да кармоо, мигранттарга көзөмөлдү күчөтүү талабы менен нааразылык жүрүштөрү өттү. Мигранттар иштеген жашылча-жемиш базары жабык, көчөлөрдө полиция көп жүрөт.
Дагы жүктөңүз
