Кабыл Макеш

Автору Кабыл Макеш

• Июнь 18, 2008

  ИТАЛИЯЛЫКТАР ЧЕЙРЕК ФИНАЛГА ЧЫГЫШТЫ

  Австрия жана Швейцарияда өтүп жаткан Европа чемпионатында чейрек финалга чыккан командалар аныкталып жатат. Кечээ Италия командасы негизги атаандашы Франция футболчуларын 2:0 эсебинде жеңип, чейрек финалга чыкты. Голландия Румыния менен оюнда экинчи курамындагы футболчуларын чыгарганына карабастан 2:0 эсебинде утуп алды. Бүгүн 18-июнда “Д” тобундагы атаандаштардан Орусия менен Швециянын футболчулары беттешет. Ошондой эле испаниялыктар грекиялыктар менен мөрөй талашат.

• Июнь 17, 2008

  ГЕРМАНИЯЛЫКТАР ЧЕЙРЕК ФИНАЛГА ЧЫГЫШТЫ

  Австрия жана Швейцарияда өтүп жаткан Европа чемпионатында Германия командасы талаа ээлеринин бири Австрия футболчуларын 1-0 эсебинде жеңип, чейрек финалга чыкты. Хорватия Польша менен оюнда экинчи курамындагы футболчуларын чыгарганына карабастан Польшаны 1-0 эсебинде утуп алды. Эми хорваттар чейрек финалда Түркия менен беттешет. Ал эми Германия Португалия командасы менен чейрек финалда мөрөй талашат. Бүгүн 17-июнда “С” тобундагы атаандаштардан Голландия менен Румыниянын футболчулары беттешет. Ошондой эле франциялыктар италиялыктар менен мөрөй талашат.

• Июнь 16, 2008

  ТҮРКТӨР ЧЕЙРЕК ФИНАЛГА ЧЫГЫШТЫ

  Кечээ 15-июнда кечинде түркиялыктар менен чехиялыктардын ортосунда кызыктуу таймашуу болуп, мында түрктөр 3:2 эсебинде жеңип, “А” тобунда алар да чейрек финалга чыгышты. Ошондой эле талаа ээси швейцариялыктар менен портуиялыктар беттешип, 2:0 эсебинде швейцариялыктар утуп алышты. Бүгүн 16-июнда “В” тобундагы атаандаштардан Польша менен Хорватиянын футболчулары беттешет. Ошондой эле Европа чемпионатынын уюштуруучуларынын бири австриялыктар германиялыктар менен мөрөй талашат.

• Июнь 15, 2008

  БҮГҮН ТҮРКТӨР КҮЙӨРМАНДАРДЫН ҮМҮТТӨРҮН АКТАЙБЫ?

  Кечээ 14-июнда кечинде испаниялыктар менен швециялыктардын ортосунда курч, кызыктуу таймашуу болуп, мында испаниялыктар 2:1 эсебинде жеңип, “Д” тобунда алар чейрек финалга чыгышты. Ошондой эле Австриянын Зальцбург шаарында Европа чемпиону гректер менен орусиялыктар беттешип, 1:0 эсебинде орусиялыктар утуп алышты. Бүгүн 15- июнда Швейцариянын Базель шаарында Швейцария жана Португалиянын футболчулары беттешет. Ошондой эле Женева шаарында Түркия менен Чехиянын командалары мөрөй талашат.

• Июнь 13, 2008

  БЫЙЫЛ ЕВРОПА ЧЕМПИОНУ ГОЛЛАНДИЯ БОЛУШУ ЫКТЫМАЛБЫ?

  Кечээ 12- июнда кечинде германиялыктар менен хорватиялыктардын ортосунда курч, кызыктуу таймашуу болуп, хорбатиялыктар жеңип, алар чейрек финалга чыгышты. Ошондой эле Австриянын Вена шаарында талаа ээлери австриялыктар менен польшалыктар беттешип, тең чыгышты. Ошондой эле бүгүн 13- июнда Швейцариянын Цюрих шаарында Италия менен Румыниянын командалары мөрөй талашат. Берн шаарындагы кийинки беттешүү Голландия менен Франция улуттук командаларынын ортосунда болот.

• Июнь 11, 2008

  ОРУСИЯЛЫКТАР МЕНЕН ЕВРОПА ЧЕМПИОНУ ГРЕКИЯ ЖЕҢИЛҮҮ ЫЗАСЫН ТАРТТЫ

  Кечээ, 10-июнда түндөсү Австриянын Инсбрук шаарында “Д” тобунда Испания менен Орусиянын тандалма командалары беттешти. Ошондой эле Австриянын Зальцбург шаарында 2004- жылы Европа чемпиону болгон Грекия Швециянын футболчулары менен мөрөй талашты. Европа футбол таймашууларын кыргызстандык көпчүлүк күйөрмандар да теле берүүлөр аркылуу кызыгып көрүп, орусиялыктарды сүрөөнгө алышты. Бирок алар ишенимди актаган жок.

• Июнь 10, 2008

  ФРАНЦИЯ МЕНЕН ИТАЛИЯ КҮЙӨРМАНДАРДЫН ҮМҮТТӨРҮН АКТАГАН ЖОК

  9-июнда Швейцариянын Цюрих шаарындагы "Летцигрунд" стадионунда футбол боюнча Европа чемпионатынын “С” тобундагы Румыния - Франция өлкөлөрүнүн командалары беттешти. Ошондой эле кечээ түнү Швейцариянын Берн шаарындагы "Стад-де-Суисс" стадионунда Голландия – Италиянын улуттук командалары мөрөй талашты. Европа футбол таймашууларын кыргызстандык күйөрмандар да телеберүүлөр аркылуу кызыгып көрүштү.

• Июнь 10, 2008

  ФРАНЦИЯ МЕНЕН ИТАЛИЯ КҮЙӨРМАНДАРДЫН ҮМҮТТӨРҮН АКТАГАН ЖОК

  Кечээ, 9-июнда түндөсү Швейцариянын Цюрих шаарындагы "Летцигрунд" стадионунда футбол боюнча Европа чемпионатынын “С” тобундагы Румыния - Франция өлкөлөрүнүн командалары беттешти. Ошондой эле кечээ түнү Швейцариянын Берн шаарындагы "Стад-де-Суисс" стадионунда Голландия – Италиянын улуттук командалары мөрөй талашты. Европа футбол таймашууларын кыргызстандык күйөрмандар да теле берүүлөр аркылуу кызыгып көрүштү.

• Июнь 09, 2008

  ФУТБОЛ: КҮН САНАП КЫЗЫГЫ АРТКАН ЕВРОПА-2008 МЕЛДЕШИ

  Бүгүн 9-июнда түндө Швейцариянын Цюрих шаарындагы "Летцигрунд" стадионунда футбол боюнча Европа чемпионатынын --> http://rfe.azattyk.org/rubrics/sport/ky/2008/06/19816D00-5D7D-4310-B8D3-B2855AFBFFFE.ASP “С” тобундагы Румыния-Франция өлкөлөрүнүн командалары беттешет. Ошондой эле бүгүн түнү Швейцариянын Берн шаарындагы "Стад-де-Суисс" стадионунда Голландия-Италиянын улуттук командалары мөрөй талашка чыгышат.

• Июнь 08, 2008

  ФУТБОЛ: ЕВРОПА-2008 МЕЛДЕШИ КЫЗЫКТУУ БАШТАЛДЫ

  Кечээ, 7-июнда Швейцариянын Базел шаарында футбол боюнча Европа чемпионаттын ачылыш аземи болуп, биринчи беттешүү Швейцария жана Чехия --> http://rfe.azattyk.org/rubrics/sport/ky/2008/06/B0E54B12-B2B9-4264-A20C-AD442C7097C5.ASP улуттук командаларынын ортосунда өтүп, 1:0 эсебинде чехтер алгачкы жеңишке жетишти. Ошондой эле Португалия жана Түркиянын футболчуларынын таймашуусу күрч мүнөздө өтүп, 2:0 эсебинде португалиялыктар утуп, үч упайдын ээси болушту. Эми бүгүн, 8-июнда түнү кыргызстандык күйөрмандар «В» тобундагы атаандаштар Австрия менен Хорватия жана Германия менен Польша өлкөлөрүнүн командалары Европа чемпиондугу үчүн алгачкы таймашууга чыгышат. Европа футбол таймашууларын кыргызстандык күйөрмандар да телеберүүлөр аркылуу көрүп жатышат.

• Июнь 05, 2008

  Туристтик сезондо жол коопсуздугуна өзгөчө көңүл бурулат

  ”Жайкы эс алуу мезгилинде чет өлкөлөрдөн келчү туристтердин коопсуздугун жана жол эрежелерин сактоону камсыз кылабыз” дешет Ички иштер министрлигинин жетекчилери. Ошондуктан милиция жана МАИ кызматы жайкы туристтик сезонго карата бардык тиешелүү даярдыктар көрүүдө. Ал эми Ысыккөлгө --> http://rfe.azattyk.org/rubrics/sport/ky/2008/04/3E6FC2C6-5494-4323-A30A-72C0152C4FF8.asp эс алууга келген туристтерди обу жок текшерүү, МАИ кызматкерлери негизсиз айып салуулары менен өлкөнүн кадыр-баркына доо кетирип жатканын жергиликтүү калктын өкүлдөрү айтып, сынга алып жүрүшөт.

• Июнь 03, 2008

  “ЧУБАКТЫН КУНУНДАЙ” ЧУБАЛГАН ЧУУ

  Бүгүн 3-июнда Жогорку Cотто “Кыргыз керек-жаракчылар кошуну” коомдук бирикмеси менен Бизнес, финансы жана башкаруу укугу эл аралык академиясынын ортосундагы мүлк талашуу маселесине чекит коюлат. Эки тарап тең бири-бирин кыймылсыз мүлккө мыйзамcыз ээ болуп алышкан дешип айыптоодо.

• Июнь 02, 2008

  КЫРГЫЗСТАНДЫК ЭКИ ЖӨӨ КҮЛҮК БЭЭЖИНГЕ ЖОЛДОМО АЛДЫ

  1-июнда Бишкекте борбордук «Спартак» стадионунда жеңил атлетика боюнча 1980-жылы Москва олимпиадасынын чемпиону Татьяна Колпакованын байгесине арналган эларалык жеңил атлетика мелдеши жыйынтыкталды. Бул эки күнгө созулган мөрөй талашууда кыргызстандык эки жөө күлүккө Бээжин олимпиадасына --> http://rfe.azattyk.org/rubrics/sport/ky/2008/05/A617E246-DA1E-434A-8359-9FA756C1BC2F.asp жолдомолор ыйгарылды.

• Май 30, 2008

  ТҮРКИЯДА Ч.АЙТМАТОВДУ НОБЕЛЬ СЫЙЛЫГЫНА КӨРСӨТҮҮ БОЮНЧА КОМИТЕТ ТҮЗҮЛДҮ

  29-майда Түркияда Кыргыз Эл жазуучусу, Кыргыз Эл баатыры, коомдук ишмер Чыңгыз Айтматовду --> http://rfe.azattyk.org/rubrics/culture/ky/2008/02/7A34CE0D-BCB8-4D64-B934-4EE936AD62A6.asp Нобель сыйлыгына көрсөтүү боюнча комитет түзүлдү. Бул маалыматты Түркияда расмий сапар менен жүргөн өлкөнүн маданият жана маалымат министри Султан Раев дагы ырастады. Ошондой эле Анкарадагы жыйында Чыңгыз Айтматовго беш жылда бир берилүүчү “Түрксойдун” сыйлыгы дагы тапшырылды. Кыргыз жазуучулары да түрк тилдүү коомчулуктун бул демилгесин колдоого алышарын билдиришти.

• Май 28, 2008

  КЫТАЙЛЫК КЫРГЫЗДАР ЖАРДАМ ҮЧҮН ЫРААЗЫ

  Кытайда мындан он жети күн мурдагы зилзаланын курмандыктарынын саны учурда алтымыш миңден ашты жана сексен миңге чейин жетиши ыктымал. Кытай --> http://rfe.azattyk.org/rubrics/society/ky/2008/05/CD38183B-BC74-4011-AED1-07B3A3E1EFAD.asp өкмөтү табигый кырсыктын кесепеттерин жоюуга чамасы жетпестигине көзү жетип, өткөн жумада гана эл аралык уюмдардын кызматкерлерин өлкөгө киргизип, жардам берүүсүнө макул болгон. Кыргызстандын Чукул кырдаалдар министрлиги 120 тонна гуманитардык жардам көрсөткөнүнө кытайлык кыргыздар да ыраазы. Кытайдагы кыргыз жана уйгурларга кабарчыбыз Кабыл Макеш Үрүмчү шаарынан жолуккан.

• Май 16, 2008

  ФУТЗАЛ: БАНГКОКТО КЫРГЫЗСТАН ЖАРЫМ ФИНАЛГА ЧЫГА АЛБАЙ КАЛДЫ

  Бул күндөрү Тайланд өлкөсүнүн борбору Бангкок шаарында футзал --> http://rfe.azattyk.org/rubrics/sport/ky/2008/05/9664820F-C225-4378-94D2-3A288205C658.asp боюнча Азиянын чемпионатында тандалган 16 мамлекеттин командалары чемпиондук үчүн күч сынашып жатышат. Кечээ 15-майда чейрек финалда Кыргызстандын командасы Жапониянын футболчуларына 4:0 эсебинде жеңилип, байгелүү орунга талапкердин бири болбой калды.

• Май 15, 2008

  ЕККУ ТЕЛЕКӨРСӨТҮҮ ТУУРАЛУУ МЫЙЗАМГА ПИКИРИН БИЛДИРДИ

  14-майда Европа коопсуздук жана кызматташтык уюму (ЕККУ) президент Курманбек Бакиевден Жогорку Кеңеш 24-апрелде кабыл алган “Телекөрсөтүү жана радиоуктуруу” --> http://rfe.azattyk.org/rubrics/free_speech/ky/2008/04/F01EFB49-7062-4A24-B12D-6CD2F8DDC123.asp жөнүндөгү жаңы мыйзамга вето коюп, парламенттин кайра кароосуна жөнөтүүсүн өтүнгөн кайрылуу катын жолдоду. Мындан мурда дагы Медиа өкүл институту баштаган бир топ коомдук уюмдар менен маалымат каражаттары президент Курманбек Бакиевге кайрылуу жолдоп, бул мыйзамга кол койбосун өтүнүшкөн. Ал эми мыйзамдын авторлору, Жогорку Кеңештин айрым депутаттары болсо мыйзам азыркы учурдун талабына ылайык кабыл алынды деген ишенимде.

• Май 13, 2008

  ФУТЗАЛ БОЮНЧА АЗИЯ ЧЕМПИОНАТЫНДА КЫРГЫЗСТАН ЧЕЙРЕК ФИНАЛГА ЧЫКТЫ

  Бул күндөрү Тайланд өлкөсүнүн борбору Бангкок шаарында футзал боюнча Азиянын чемпионатында тандалган 16 мамлекеттин командалары чемпиондук үчүн күч сынашып, төрт мамлекет бирден топ болуп беттешип жатышат. Жекшембиде “А” тобунда Кыргызстан менен Индонезия өлкөлөрүнүн футболчулары --> http://rfe.azattyk.org/rubrics/sport/ky/2008/05/0EBF782C-281D-4098-B805-32E4473EEB6D.asp беттешип, кыргызстандыктар 5:1 эсебинде утуп алышты. Ал эми кечээ 12-майда Ирактын командасы менен мөрөй талашып, аларды дагы 8:0 эсебинде утуп, чейрек финалга чыкты. Бүгүн 13-майда талаа ээлери тайланддыктар менен таймашууга чыгышат.

• Май 12, 2008

  БЭЭЖИНГЕ ОН АЛТЫНЧЫ ЖОЛДОМОНУН ЭЭСИ -КАНАТ БЕГАЛИЕВ

  Италиянын борбору Рим шаарынан кыргызстандык спорт күйөрмандарын сүйүнткөн кабар келди. Мында грек-рим күрөшү боюнча жеңүүчүлөргө Бээжин олимпиадасына жолдомо берүүчү эл аралык Гран-при мелдешинде Кыргызстандын намысын коргогон Азиянын чемпиону, дүйнө чемпионатынын күмүш байге ээси Канат Бегалиев мөрөй алуу менен Бээжинге 16 -жолдомону утуп алды.

• Май 10, 2008

  АМЕРИКАЛЫК АСКЕРЛЕРДИН КЫРГЫЗСТАНДЫК КОРГООЧУЛАРЫ (Сүрөт баян)

  10-майда Бишкектеги Максим Горькийдин эстелигинин алдындагы аянтта АКШнын “Манас” аба майданындагы аскер аба базасын --> http://rfe.azattyk.org/rubrics/security/ky/2008/05/D8519AF7-038F-40ED-BCBF-25F62F0CBEF5.asp колдогон пикет болду. Пикетти “Атамекен Америка менен бирге” коомдук бирикмеси уюштуруп, анда «Орусиянын Кыргызстандагы төрт аскер базалары да ижара акысын төлөсүн», «Ысыккөлгө торпедолорун сынабасын», «Америка авиабазасы тынчтыктын, демократиянын кепилдиги» деген пикирлер айтылды. Өткөн айда айрым жергиликтүү коммунистер жана орусиячыл саясатчылар АКШнын аскердик аба базасын чыгаруу талабы менен пикетке чыккан эле.

Дагы жүктөңүз