“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Башкы прокуратура Аксы --> http://rfe.azattyk.org/rubrics/politics/ky/2004/03/487EE902-4D6F-4FDF-B330-DDFB3902F126.asp окуясына байланыштуу 2002-жылдын 18-мартындагы ок атуулар боюнча козголгон кылмыш ишин иликтөөнү кайрадан баштагандыгын кабарлады. Ага ылайык 18-март күнү Кербенде өлтүрүлгөн Элдияр Үмөталиевдин ишине байланыштуу ички иштер министринин мурдагы орун басары Калмурат Садиевдин жана башка кызматтык адамдардын үстүнөн тергөө башталат. Аксылык жабырлануучулар бул иштин кайрадан тергелип башташы – Аксы окуясынын алты жылдыгынын алдында бийлик тарабынан элди алаксытуу иретинде болуп жүргөн көрүнүш катары кабыл алышууда.
Өзбекстан, Казакстан жана Түркмөнстан 2009-жылдан тарта көгүлтүр оттун баасын дүйнөлүк баага теңөөнү көздөп жатышкандыгы белгилүү болду. Аталган өлкөлөрдүн газ ишканаларынын жетекчилери бул тууралуу 11-март күнү орусиялык “Газпромдун” --> http://www.azattyk.org/rubrics/economics/ky/2008/02/AAA6A440-DA71-4DB4-BAE7-EAA81916D960.asp жетекчиси Алексей Миллер менен сүйлөшүү учурунда билдиришти. Кыргызстан газ европалык баа менен сатыла турган болсо, көгүлтүр отту жагууга чектөө киргизүүгө аргасыздыгын билдирүүдө.
Кыргызстанда ун менен нандын баасы --> http://www.azattyk.org/rubrics/economics/ky/2007/07/666b2b4d-e636-4e94-ab62-1b1be59b9b29.asp өткөн жылдагыдай кескин кымбаттабайт. Бул тууралуу мамлекеттик сатып алуулар жана материалдык резерв боюнча агенттиктин жетекчиси Файзулла Рахманов бүгүн журналисттерге билдирди. Кыргыз өкмөтү баалардын кызыл кулактык менен көтөрүлүп кетүүсүнө жол бербөө үчүн катуу аракеттерди жасоодо. Өткөн аптада Кыргызстандын базарларындагы нандын баасы 1-2 сомго кымбаттаган.
Казакстан бийлиги 1-марттан тарта буудайды экспорттоого чек койду. Бул буудайды негизинен казактардан сатып алган Кыргызстан үчүн терс таасирин тийгизбей койгон жок. “Акун” фирмасынын президенти Чыныбай Турсунбеков “Азаттыктын” кабарчысы менен болгон маектешүүдө буудай, ун базарында кырдаал оор болуп жаткандыгын, бул маселени чечүүдө өкмөт тегирменчи ишканалар менен чогуу иш жүргүзсө жакшы болорун белгилеген.
Бүгүн Орусияда өтүп жаткан президенттик шайлоого Орусия жарандыгын алган кыргыздар да катышууда. Алардын көпчүлүгү президенттикке талапкер, мурдагы президент Владимир Путиндин мураскери Дмитрий Медведевдин талапкерлигин колдоорун “Азаттыктын” кабарчысына билдиришти. Орусия жарандыгына ээ болгон кыргыздар жаңы президенттин шайланышы менен өлкөдө сырттан келген мигранттарга жакшы мамиле болот, деп үмүттөнүшөт.
Бүгүн Кыргызстандын акыйкатчысы өлкөдөгү бейөкмөт жана укук коргоо уюмдарынын жетекчилери, укук коргоочулар менен жолугушту. Анда адам укугун коргоо жаатында кызматташуу жана акыйкатчы институтунун ишин жакшыртуу маселелери талкууланды. Акыйкатчы Турсунбек Акун адам укугун жана сөз эркиндигин коргоо жаатында, мыйзамдардын сакталышын камсыздоодо жарандык коом менен чогуу иш алып барарын билдирди.
Кумтөр --> http://azattyk.kg/rubrics/economics/ky/2008/02/CEB73800-02FE-42EF-AEB9-40240827C57B.asp алтын кени боюнча канадалык компания менен түзүлгөн келишимдерди жокко чыгаруу, бул келишимдерге кол койгон айрым мамлекеттик кызматкерлерди жоопко тартуу боюнча талаш маселе бүгүнкү күнү кызуу талкууга алынууда. “Камеко” компаниясы менен түзүлгөн 2003-жылдын 31-декабрындагы келишимди жокко чыгаруу өтүнүчү менен кайрылган ЖК төрагасынын орун басары Кубанычбек Исабековдун доо арызы Бишкектеги райондор аралык сотунда 10-мартта каралат. Вице-спикер Кыргызстандын үлүшү 67% түзгөн келишимге кайтып келүүгө чакырууда.
Жакында КМШ өлкөлөрүнүн президенттери Москвада бейформал жолугушууга чогулду. Анда белгилүү болгондой эми КМШнын күзгү саммитин Бишкекте өтмөкчү. Анда негизинен транспорт жана байланыш маселелери талкууга алынары айтылууда. Айрым серепчилер көз карандысыз мамлекеттердин шериктештиги деп аталган саясий институт формалдуу түрдө гана иштеген, иш жүзүндө ага мүчө болгон өлкөлөр үчүн эч кандай пайдасы жок орган деген пикирлерин билдирип келишет. Ошол эле учурда КМШнын Кыргызстандын экономикасы, коопсуздугу үчүн мааниси чоң деген пикирлер да бар.
Бүгүн Бишкекте “Фашизмге, расизмге жана улутчулдукка жол жок” деген аталышта митинг болуп өттү. Бул иш-чара Орусиядагы улутчулдардын колунан каза тапкан кыргызстандык жарандарга арналып, бир нече бейөкмөт уюмдар тарабынан өткөрүлдү. Митингдин катышуучулары Бишкектеги орус элчилигине келип, фашисттик маанайда киши өлтүрүүнү уюштуруп жаткандарга карата катуу чара көрүүсүн талап кылып президент Путиндин атына жазылган катты тапшырышты.
Бүгүн Арменияда өтүп жаткан президенттик шайлоого кыргызстандык серепчилер да көз кырын салып турган учур. Алардын көпчүлүгү бүгүнкү ат салышта азыркы премьер-министр Серж Саркисян утуп чыгат, деген божомолун айтышууда. Айрым байкоочулар болсо шайлоодо Орусиянын колдоосуна ээ болгон тарап жеңишке жетиши ыктымал дешет.
Өткөн ишемби күнү Москва шаарында улутчул такырбаштардын колунан дагы бир кыргызстандык жигит каза тапты. Бул бир жарым ай ичинде улутчулдар тарабынан өлтүрүлгөн алтынчы кыргыз жараны болуп эсептелет. Буга карабай Орусияга барып иштөөнү каалаган кыргызстандыктардын аягы тыйылчудай эмес.
Кыргыз өкмөтү энергетика тармагын менчиктештирүүнү ушул жылдын күзүнө чейин ишке ашырууну көздөөдө. Кыргызстандын бирден-бир көзгө басар байлыгы болгон тармакты жеке колго берүүгө карата коомчулук азырынча терс пикирде. Мына ушуга байланыштуу кабарчыбыз Замира Кожобаева учурунда менчиктештирүү жараянын жүргүзүүгө түздөн-түз катышкан, мамлекеттик мүлктү башкаруу комитетинин мурдагы жетекчиси, “Ата Мекен” партиясынын мүчөсү Равшан Жээнбековду кепке тарткан эле.
ИИМ жана чегара кызматынан маалыматы боюнча өткөн жылы Кыргызстанга 75 миң кытай жараны кирген. Анын ичинен административдик жоопко тартылган 120 кытайлык жаран кайра өз мекенине чыгарылган. Ал эми байкоочулар болсо, ИИМ менен чегара кызматынын расмий тизмесине илинбеген миңдеген кытайлык жарандар учурда Кыргызстанда ээн-эркин жүрүшкөндүгүн айтышууда. Кээ бир пикирлерге ылайык кытайлык жумушчулардын арзан күчү кыргызстандыктарды эмгек базарынан сүрүп чыгарууда.
Акыйкатчы институтунун Кыргызстанда иш жүргүзө баштаганына беш жылдан ашуун убакыт болду. Башында Турсунбай Бакир уулу турган Акыйкатчы институтунун иши тууралуу түрдүү пикирлер бар. Айрым укук коргоочулар болсо беш жыл мурда түзүлгөн Акыйкатчы институту өзүн актаган жок, адам укугун коргоодон мурун саясатка аралашып кетти, деген дооматтарды айтышууда.
Улуттук телерадиокорпорацияда баш деректир милдетин аткаруучу Мелис Эшимкановду кызматтан кетирүү талабы менен уюштурулган ачкачылык акциясы бүгүн да уланды. Он беш чакты кызматкер учурда УТРКнын мурдагы вице-президенти Бейшенбек Бекешовдун үйүндө ачкачылык кармап отурушат. Акциянын катышуучулары бүгүн Президентке ачык кат, Башкы прокуратурага кайрылуу жолдошту.
Кыргызстандагы банктар турак-жайга, унаага жана ишкердүүлүктү өнүктүрүү максатында берилүүчү насыя акчалардын үстөк пайызын жогорулатышууда. Алар мунун себебин АКШ долларынын куну түшүп кеткендигине жана Казакстандагы банк кризисине байланыштырып жатышат.
Бүгүн Улуттук телерадиокорпорациясынын жыйырмага чукул кызматкери ачкачылык акциясын башташты. Алар УТРКнын учурдагы жетекчиси Мелис Эшимкановдун кызматтан кетүүсүн талап кылышууда. Акциянын катышуучулары жетекчилик кызматкерлерди жөнсүз себептер менен жумуштан кетирүү жана кызматынан төмөндөтүү аракеттерин жүргүзүп жаткандыгын айтып, күнөөлөп жатышат. Ал эми УТРКнын директорунун милдетин аткаруучу Мелис Эшимканов акцияны телекорпорацияны реформалоо жүрүп жаткандыгына жана жаңылануу жараянынын башталышына байланыштырды.
Апта башында АКШдагы кадыр барктуу изилдөө борбору - Heritage кору менен “Wall Street Journal” гезити дүйнө өлкөлөрүндөгү экономикалык эркиндиктин абалы жөнүндөгү жылдык изилдөөсүн жарыялады. Анда Кыргызстан 157 өлкөнүн ичинен 70-орунга чыгарылып, Борбор Азия өлкөлөрүнө караганда Кыргызстанда экономикалык эркиндик бар, деп айтылган. Ошол эле учурда өлкөдө коррупциянын деңгээли жогору деп көрсөтүлгөн. Эл аралык изилдөөлөрдүн натыйжасына жергиликтүү ишкерлер да кошулушат. Алар Кыргызстанда ишкердиктин өнүгүүсүнө бут тоскон негизги себеп –коррупция, болгондо да жогорку бийлик бутактарынын коррупцияга аралашуусу, деп эсептешет.
Кыргызстандын жүк ташуучу поездинен табылган уулуу заттын чыры басыла элек. Кечээ Кыргызстандагы Иран элчилиги бул маалымат атайын саясий боек сүртүлүп таратылып жатат деген билдирүү таратты. Улуттук коопсуздук боюнча мамлекеттик комитети бул иш боюнча иликтөө жүрүп жаткандыгын билдирүүдө. Буга чейин цезий-137 уу заты момтемир катары Кыргызстандан Иранга жиберилгендиги, жүк кыргыз мамлекеттик “Темир” ишканасына тиешелүү экендиги айтылган.
Бүгүн бийликке каршы жана калыс күчтөрдүн “Акыйкат үчүн” кыймылы референдумдун жана парламенттик шайлоонун жыйынтыгына баа берген саясий форум өткөрдү. Ага саясий партиялардын, коомдук уюмдардын жетекчилери, коомчулук өкүлдөрү катышты. Форумдун аягында 16-декабрда шайланып келген парламентти легитимсиз деп таануу, коомдук парламент түзүү жана элдик курултай чакыруу боюнча чечимдер кабыл алынды.
Дагы жүктөңүз
