“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Бишкек жана Ош шаарларындагы жаңы курулган көп кабаттуу үйлөрдүн коопсуздугу, сапаты тууралуу кайчы пикирлер арбын. Сейсмикалык адистер эгер катуураак жер титирөө болсо, жаңы тургузулган имараттардын көпчүлүгү урап калышы ыктымалдыгын айтышууда.
25-октябрдагы соттук териштирүүдө Базар-Коргон РИИБ 2010-жылдын 13-июнундагы башаламандык тасмага түшүрүлбөгөнүн билдирди. Буга чейин күч кызматтары Аскаровдун июнь коогасына катыштыгы бардыгын далилдеген тасма бар деп келишкен.
Өкмөт он жылга үй-бүлөнүн жана баланын укугун коргоо боюнча комплекстүү программа бекитти. Программа канчалык деңгээлде ишке ашат? Программаны түзгөн жумушчу топтун мүчөсү, “Балдар укугун коргоо лигасынын” жетекчиси Назгүл Турдубекова "Азаттыкка" маек курду.
«Ийгиликтүү кыз» деп аталган долбоордун алкагында өспүрүм кыздардын укугуна арналган форум Каракол жана Талас шаарларында болот. Форумдун максаты тууралуу анын уюштуруучусу “Балдардын укугун коргоо” лигасынын координатору Наргиза Конушалиева “Азаттыкка” маек куруп берди.
Сырттан товар ташыган ишкерлер бажы кызматкерлери сырттан кирип жаткан товарларга бажы тарифин белгилөөдө баасын жана салмагын каалагандай көтөрүп, аягында мунун баары карапайым керектөөчүгө түшкөн жүк болуп жаткандыгын ырасташат. Бажы кызматы бул маселе боюнча жумушчу топ түзүлүп жатканын маалымдады.
Казакстандык провайдерлер интернетке бааны кайра арзандатары күмөн жаратууда. Мөөнөтү өтсө да Казакстандын жаңы келишим сунуштабаганы кыргызстандык байланыш операторлорунун тынчын алууда.
Июнь окуясы боюнча айыпталган Азимжан Аскаровдун соту бүгүн уланды. Анда Базар-Коргон районундагы күч кызматкерлери, коогалаңдын тушунда жергиликтүү бийликте тургандар күбө катары көрсөтмө беришти.
Акыркы жумалардагы автомобиль газынын таңсыктыгы баалардын көтөрүлүүсү менен коштолду. 8-октябрда автогаз дагы бир сомго кымбаттап, 24,5 сомго чыкты. Акыркы төрт айдын ичинде автогаздын баасы Кыргызстанда 5-6 сомго чейин жогорулады.
Быйылкы жыл аягына чейин Кыргызстанда 60 мектеп пайдаланууга берилет. Бул тууралуу Архитектура, курулуш жана турак жай-коммуналдык чарба мамлекеттик агенттигинин жетекчиси Турдубек Мамбетов “Азаттыкка” курган маегинде билдирди.
Кыргызстанда бийлик билим берүүгө маани бербегенин өлкөдөгү мектептер менен окуу китептердин акыбалынан улам түшүнүүгө болот. Мындай пикирин билим берүү боюнча адис Кеңешбек Сайназаров “Азаттыкка” курган маегинде билдирди.
“Салык төлөөчүлөр парламентаризм үчүн” кыймылынын мүчөсү Рита Карасартова “Азаттыкка” маек куруп, Бишкек шаар мэри Албек Ибраимовдун киреше декларациясы ынандырбай турганын, андагы маалыматтар атайын комиссия тарабынан иликтенүүгө тийиш экенин айтты.
Бишкек-Ош жолунда бир үй-бүлө жол кырсыгынан каза болду. Ал эми Бишкек-Балыкчы-Торугарт жолунда автобус оодарылып, көптөгөн киши жаракат алды. Бирок Ички иштер министрлиги жыл өткөн сайын жол кырсыктарынын саны азайып жатат деген ишенимде.
Расмий маалыматтар боюнча быйылкы окуу жылында Кыргызстандагы мектептер окуу китептери менен 79% гана камсыз болгон. Ал эми иш жүзүндө окуучулар китеп менен болгону 30% гана жабдылганы айтылууда.
Кыргызстанда жылына 91 миң тонна алма малга жем болуп кетет же чирип жок болот. Ал эми өрүктүн 85% Өзбекстан, Тажикстанга сатылып, андан ары Тажикстандын же Фергана өрөөнүнүн кургатылган өрүгү деген бренд менен Орусияга, Европа өлкөлөрүнө экспорттолот.
Өзбекстандын күч кызматкерлери Үңкүр-Тоодогу телемунарадан кармап кеткен төрт кыргызстандыкка адвокаттарды киргизбей жатканы кабарланды.
Эгемендиктин 25 жылында Кыргызстан эмнеге жетти? Эмнелерден сабак алды? Бул суроолордун айланасында “Демократ” партиясынын төрагасы Сейтек Качкынбаев “Азаттыкка” маек курду.
Акыйкатчы Кубат Оторбаев Москвадагы 17 кишинин өмүрүн алган өрт боюнча кылдат иликтөө жүрүшү керектигин билдирүүдө. Акыйкатчы бул иш боюнча Москвага барып келген.
Жыл өткөн сайын Кыргызстанда кары-картаңдар көп зордук-зомбулукка учурап жатканы айтылууда. Карылар көбүнчө жакындарынан көргөн зомбулугу тууралуу ачык айтышпайт. Ушундан улам мунун арты кайгылуу аяктап, жакындарынын колунан каза тапкан учурлар да бар.
Дагы жүктөңүз
