"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Пакистанда экс-премьер Беназир Бхуттонун өлтүрүлүшү менен Кошмо Штаттары бул өлкөдө президент Первез Мушарафка демократиялык тең салмак болуучу союздашынан айрылып калды. Эми бул тең салмакты камсыз кылуу үчүн Вашингтон башка оппозиция өкүлдөрү менен алакасын кеңейтиши керекпи? Бухуттодон кийин, Кошмо Штаттары канткенде Пакистандагы туруктуулукту колдоп, өлкөнүн демократия жолуна кайтып келишине жетише алат? Мына ушул өңдөнгөн суроолорго АКШнын тышкы иштери боюнча белгилүү аналитик жооп берди.
Пакистанда өкмөт башчысы Беназир Бхутто өлтүрүлгөндөн кийин, парламенттик шайлоо 8-январдан 18-февралга кийинкиге калтырылды. Бхуттонун династиячыл партиясын анын көзү өткөндөн кийин атасы менен кошо жетектеп калган уулу Билавал энесинин өчүн шайлоодогу жеңиши менен алууга сөз берүүдө. Бирок Билавал өтө жаш болгондуктан, бул партия жеңип чыкканда да, өкмөт башына ким келери бүдөмүк бойдон калууда.
Түркмөнстан газга бай, муну бийликтер да жашырбайт. Тегин жерден бул өлкөдө газ бекер эмес. Бирок чын эле түркмөн газы түркмөн атуулдары үчүн бекерби?
18 жылдан бери бийликте турган президент Ислам Каримов үчүнчү жолу жети жылдык мөөнөткө шайланат деп күтүлүүдө. Шайлоо комиссиясы түшкө чейин 16 миллион 200 миң шайлоочунун дээрлик 60 пайызы шайлоого катышты деп маалымдады.
Пакистанда полиция элүүдөн ашык кишинин өмүрүн алган жанкечти чабуулун ким уюштурганын иликтеп жатат. Пешавардын жанындагы мечиттеги жардыруу исламчыл согушкерлердин колунан келди деп болжолдонууда.
Кызуу талаш-тартыш менен өткөн Бириккен улуттардын климатка байланышкан жыйынында жер абасынын ысышы боюнча келишимди 2009-жылга карата түзүү макулдашылды.
Эки кишинин суракка алынып жаткан учуру тартылган тасмаларды Борбордук чалгындоо кызматы (БЧК) кандайча жана эмне максатта жок кылган? Мына ушул маселенин айланасында АКШнын Борбордук чалгын кызматы болгон ЦРУнун директору генерал Майкл Гайдн Конгресстин алдында жабык эшик артында сурак берип жатат. Тасмалардын жок кылынышы сурак жүргүзгөндөр Женева конвенциясында, АКШнын мыйзамдарында же экөөсүндө тең тыю салынган кыйноо методдорду колдонушкан деген шектенүүлөрдү күч алдырууда. Бул окуялар кыйноо чын эле шектүү террорчуларды сөзгө келтирип, террордук актыларды болтурбоого мүмкүндүк береби деген талашка жем таштаганына бир топ болуп калды.
AKШда жаңы аяктаган Жакынкы Чыгыш боюнча тынчтык жыйыны Израил менен палестиндердин ортосунда сүйлөшүүнүн кайра жанданышына жол ачууда. Вашингтондун жанындагы Аннополисте өткөн жыйындын батыштан жана араб өлкөлөрүнөн катышуучулары тынчтык жараяны Жакынкы Чыгыштагы экстремизмге каршы күрөшкө күч берет деп үмүттөнүшүүдө. Бир эле мезгилде жыйын ага чакырылбаган жана радикал уюшмаларды колдоо менен Вашингтонду жана айрым араб өлкөлөрүн жүрөк заада кылган Ирандын дарегине эскертүү ишараты да болуп калды.
Ооганстандын баш калаасында эл аралык донорлор жетимдер жана жарды бүлөлөрдүн балдары үчүн жаңы борбор ачты. Мындай борборлор ач-жылаңач, билим алууга мүмкүнчүлүгү жок миллиондогон балдардын саналуу бөлүгүнө болсо да үмүт отун жандыраарды.
Австралиянын өкмөтүн 11 жыл башкарган Жон Ховард кечээки шайлоодо жеңилгенин мойнуна алды. Ошону менен борборчул-солчул Жумушчу партиясынын лидери Кевин Раддын (Kevin Rudd) бийликке келишине жол ачылды.
Тажикстанда бийликтер өлкөнүн улуттук аба каттамы “Тажик Эйрди” модернизациялап, кайра уюштуруп баштады. Бул жүргүнчүлөр үчүн жакшы жышаан, анткени “Тажик Эйрдин” тейлөө кызматы көп нааразылыкты пайда кылып келатат.
КМШ Түркмөнстанга келип атат, бирок Түркмөнстан КМШга кайтып барабы? Күнкорсуз Мамлекеттер шериктештигинин жыйыны Ашхабатта 15 жылдан бери биринчи жолу өткөнү жатканда мына ушул суроо көпчүлүктүн кызыгуусун туудурууда. Шериткештикке мүчө болгон мамлекеттерден бир гана Түркмөнстандын толук мүчөлүгү жок. Бирок жаңы президент бийликке келген өлкөдө 22-ноябрда башталып жаткан КМШнын өкмөт башчыларынын жыйынында күн тартибиндеги энергетика кызматташтыгынан башка да маселелер көтөрүлүшү ажеп эмес.
Канадалык укук коргоочу Иран бийликтерине режиссер Мехрнуше Солокини кое бериши үчүн эл аралык кысым көрсөтүүгө чакырууда. Теги ирандык Франциянын жараны Солокинин үстүнөн сот иши өткөн аптанын соңунда башталып, бирок белгисиз мөөнөткө кийинкиге калтырылды.
Кошмо Штаттары Кыргызстанга жана башка көптөгөн өлкөлөргө демократияны өнүктүрүү үчүн атайын каражат бөлүп келет. Ушул жаатта АКШнын Ирандык активисттерге берип келаткан жардамы акыркы кездери бир катар талаштарды туудурууда. Анын ичинде Ирандын өзүндөгү демократиячыл күчтөрдүн айрымдары мындай жардам аларды өз мекендештеринин алдында жер каратып жаткандыгын айтышууда.
Кошмо Штаттарында президент Буштун коомдук дипломатиясын тейлеген Карен Хьюз кызматынан кетип жаткандыгын жарыялады. АКШнын дүйнөдөгү имиджин жакшыртуу милдетин аркалаган мурдагы теле-карбачынын кетишине эмне себеп?
Польшада бүгүн парламенттик шайлоо өтүп жатат. Анда консерватор өкмөт башчысы Ярослав Качинский менен, анын эгиз түгөйү президент Лех Качинскийдин колдоочулары менен атаандаштары теңме-тең чыгаары болжолдонууда. Ошол эле мезгилде сурамжылоо либералдык оппозициячыл Жарандык Платформа партиясы Качинскийдин Мыйзам жана Акыйкаттык партиясынан алдыга озуп чыгаарын көрсөткөн. Бул партия туруктуу коалиция түзө албаган соң, шайлоо мөөнөтүнөн эки жыл мурда өткөрүлүп жатат.
Бүгүнкү добуш берүү улуттук сыналгыдан түз алып көрсөтүлдү. Шайлоо аяктагандан бир сааттан кийин шайлоо комиссиясынын төрагасы Кази Мухаммад Карук шайлоонун бейрасмий жыйынтыгын жарыялады. Ага ылайык, Мушарраф улуттук парламентте берилген 257 добуштун 252син алып, жеңип чыкты. Расмий өкүлдөр Мушаррафтын үч првинциядагы шайлоодо да жеңгендигин бышыкташты.
Бириккен Улуттар уюму Нью-йоркто бүгүн Ооганстан боюнча жыйын өткөрүп жатат. Эл аралык конфенрецияда Ооганстандагы кайра куруунун жүрүшү талкууланат. Биринчи кезекте ооган коопсуздук күчтөрүн түзүү жана апийим өндүрүшү менен күрөш тууралуу сөз болот.
Ирандын президенти кайрадан Ирактан чет элдик аскерлерди чыгарып кетүүгө чакырды. Бүгүн Тегеранда башталган аскердик ири парадда сүйлөгөн сөзүндө Ахмединежад ошондой эле Ирандын технологиялык өнүгүшүнө коркутуп-үркүтүүлөр, эл аралык санкциялар тоскоол боло албайт деп айтты. Анын аралыгында ири мамлекеттер ярдолук иштерин токтотуудан баш тартканы үчүн өлкөнү жазалоо максатында Иранга каршы жаңы жазалоочу чараларды талкуулап жатышат.
Иранда Исламга каршы дагы бир күч бар экени аныкталды, алар иттер болуп чыкты. Өлкөнүн полициясы Тегеранда "ит түрмө" ачып, ага көчөдө ээси менен бараткан иттерди камап баштады. Бийликтердин ырастоосунда, ит кармоо исламдык эрежеге каршы келет экен.
Дагы жүктөңүз
