"Азаттыктын" Оштогу кабарчысы. Ош мамлекеттик университетинин журналистика факультетин аяктаган.
Бишкек шаарындагы Горький атындагы эс алуу багында 8-март – Аялдардын эл аралык күнүнө карата кыз-келиндердин укуктарын коргоону талап кылган акция өттү.
Президенттин ырайымы менен абактан бошогон Даниел Ажиев кайра кармалды. Ал өткөн айда абактан чыккан болчу. Апасы уулу мындан ары социалдык тармактарга чыкпай, жүрүм-турумун оңдой турганын айткан. Бирок Ажиевдин абактан тик учак менен кетиши коомдо талкуу жараткан.
Ирандын дрону Азербайжандын Нахичеван шаарына кулады. Расмий Баку бул үчүн жоопкерчиликти Тегеранга жүктөп, Ирандын элчисине нааразылык нотасын тапшырды.
Вебкам ишине айыпталып соттолгон Даниел Ажиев мунапыс менен абактан бошоп, тик учак менен кеткени талкуу жаратты. Ал №8 түзөтүү мекемесинде жазасын өтөп жаткан. Ажиевди Өзгөчө кырдаалдар минстрлигинин учагы алып кеткен. Бул боюнча минстрлик түшүндүрмө берди.
Вебкам иши боюнча соттолуп, жакында эле президенттин ырайымын алган Даниэл Ажиев түрмөдөн тик учак менен чыкканы коомчулуктун сынына кабылды.
Жогорку Кеңештин депутаты Бекмурза Эргешовдун соттуулугу бар же жогу боюнча маселе көтөрүлүп, Борбордук шайлоо комиссиясы укук коргоо органдарына кайрылды. №6 шайлоо округунан утуп келип, парламентке депутат болгон Эргешовго каршы шайлоодогу атаандашы Алтынбек Токтосунов арыз жазган.
24-февралда Министрлер кабинетинин төрагасынын орун басары Бакыт Төрөбаев, саламаттык сактоо министри Каныбек Досмамбетов кызматтан кетти. Акыркы убактардагы кадрдык өзгөрүүлөрдүн себебин Ынтымак Ордо түшүндүрө элек. Ушуну менен акыркы эки жумада ондон ашык жооптуу кызматтагылар жумуштан алынды.
УКМКнын мурдагы кызматкерлеринин мыйзамсыз аракеттери боюнча ишкерлерден, чиновниктерден 500дөй арыз түшкөнүн айрым басылмалар жазып чыкты. Жабыркадык деген айрым ишкерлер "Азаттыкка" кайрылып, адилеттик издеп жатканын айтышты.
Бул арада Жогорку Кеңештин Эл аралык иштер, коргоо, коопсуздук жана миграция боюнча комитети Улуттук коопсуздук мамлекеттик комитетинин башчылыгына Жумгалбек Шабданбековдун талапкерлигин жактырды. Эл өкүлдөрү маселени талкуусуз карап, суроо-жооп болгон жок.
Быйыл президенттик шайлоо өткөрүү тууралуу 75 адам кол койгон, ушул апта башында жарыяланган кайрылууга байланыштуу милиция кылмыш ишин козгоду.
75 адамдан турган топтун билдирүүсүнө байланыштуу ИИМ кылмыш ишин козгоду. Билдирүүгө кол койгондордон ичинен коомдук ишмер Бекболот Талгарбеков, мурдагы элчи Эмил Узакбаев жана экс-депутат Курманбек Дыйканбаев “массалык башаламандык уюштурууга” шек саналып камакка алынганы белгилүү болду.
Оштун Өзгөн районунда аламан улак оюнун көргөнү келген эки кишинин кырсыкка кабылышы коопсуздук маселесин кайрадан күн тартибине чыгарды
Өзгөн районундагы аламан улакты көрүүгө келген эки адам кырсыкка учурап, бирөө каза болгону кабарланды. Кырсыктан улам бул оюнга катаал эрежелерди киргизүүнү сунушташууда. “Аламан улак” федерациясы кечээги оюнда одоно эреже бузуу болбогонун билдирди.
17 жаштагы окуучу кыз Айсулуу Мукашеваны өлтүрүүгө шек саналып жаткан Кумарбек Абдыров тергөө абагында каза болду. Жаза аткаруу мамлекеттик кызматы (ЖАМК) маалыматты ырастады. Мекеменин билдиришинче, Абдыров өзүнүн шымына асынып алган.
Италияда башталган XXV кышкы Олимп оюндарында Кыргызстандан эки спортчу ат салышат. Алар Тимур Шакиров жана Артур Сапарбеков. 6-февралда башталган таймаштар 22-февралга чейин уланат. Олимпиаданын ачылыш аземинде Кыргызстандын туусун Артур Сапарбеков көтөрүп чыкты.
Кыргыз өкмөтү кымбатчылыкка каршы чара көрүүнү убада кылууда. Бул тууралуу Жогорку Кеңештин 5-февралдагы жыйынында айтылды. Анда депутаттар өлкөдө азык-түлүктөн баштап коомдук жайлардагы тейлөө акысына чейин баары кымбат болуп жатканын айтышты.
Кыргызстанда автомектептердин ишине байланыштуу эки менчик автомектептин жетекчилерине кылмыш иши козголуп, бири камакка алынды. Алардын бири “башаламандык уюштурууга” шектелип жатат. Айрым юристтер жана активисттер козголгон кылмыш ишин сынга алууда.
Сотко бир катар эл аралык уюмдардын өкүлдөрү, Евробиримдикке кирген өлкөлөрдүн элчилери да катышты. Ошентип, Кыргызстан бул күндөрү өлкөнүн демократия жана адам укуктары, сөз эркиндиги жаатындагы милдеттенмелерин аткаруусуна көз салган эл аралык институттардын, уюмдардын көңүл борборунда болууда.
Кыргызстанда 2025-жылдын 22-августунан тартып такси кызматын көрсөткөн айдоочуларды лицензия алууга милдеттендирген жана оң рулдуу машине менен жүргүнчү ташууга тыюу салган мыйзам күчүнө кирген. ИИМ былтыр 12-сентябрда лицензиялоону баштаган. Кийин анын мөөнөтү 1-февралга чейин узартылган.
30-январдан тартып менчик автомектептердин лицензиясын токтоткон жарлыкка президент Садыр Жапаров кол койду. Ага ылайык, 30-августка чейин автомототранспорт каражаттарынын айдоочуларын окуткан жана кайра даярдаган мектептердин ишин жөнгө салууну өркүндөтүү боюнча апробациялык режим киргизилет.
Дагы жүктөңүз
