Бул аптада Элдик революциялык кыймыл Таласта элдик жыйын өткөрдү. Бишкекте “Акыйкат үчүн” кыймылынын координатору А. Жекшенкуловдун уулунун артынан укук коргоо органдары кайрадан казып киришти.
Президент Бакиев энергетика жана экономика министрлери С. Балкыбеков менен А. Жапаровду аша чапкан билдирүүлөрдү жасагандыгы үчүн катуу сынга алды.
Коомчулукту тынчсыздандырып жаткан энергетикалык абалга узап бараткан аптада “Ак жол” фракциясы да кайрылып, маселени чечүүнүн бир жолун энергетика министри Балкыбековду иштен алуудан көрдү.
Кыргызстандагы оппозициялык күчтөрдүн бир тобу өтүп бараткан аптада мамлекеттик башкаруу системасын алмаштырууну көздөп биригишти. Ушундай эле максатты көздөгөн Элдик революциялык кыймыл бул документти колдогон жок. Бийлик болсо саясий чөйрөдөгү бул окуяны көңүл сыртында калтырды.
Элдик революциялык кыймылдын демилге тобу 18-ноябрда Таласта элдик жыйын өткөрүү чечимин чыгарды. Буга чейин революциялык кыймыл президентти мөөнөтүнөн мурда кызматынан кетирүү максатын жарыялаган.
ЖК депутаты Р. Шаботоев менен ЖК депутатынын уулу Б. Амиражанов табылбаса СДП тартип коргоо жетекчилерин иштен кетирүүнү талап кылган нааразылык акцияларга элди үндөгөнү жатат.
Социал-демократтар бириккен оппозиция биринчи кезекте 2010-жылкы президенттик шайлоого камылгаларды жүргүзүшү керек деп жатат. СДПнын парламенттеги фракциясы 4-ноябрда ушундай билдирүү менен чыкты.
Кыргызстандагы оппозициялык күчтөр тилектештик меморандумуна кол коюшту. Революциялык кыймыл менен “Жаңы Кыргызстан” партиясы меморандумга кошулушкан жок.
Өкмөт кышында электр кубатын маал-маалы менен өчүрүүнү токтотуп, аны даректүү өчүрүү аркылуу үнөмдөөгө өтөөрүн жарыялады. Коммунисттер партиясы муну мамлекетке кыянатчылык катары баалап, тиешелүү жетекчилерди кызматтан четтетүүнү талап кылууда.
Бүгүн Жогорку Кеңештин Этика жана регламент комитети депутаттардын сессияга катышуу тартибин талкуулады. Бирок комитет депутаттарды сессияга үзгүлтүксүз катыштыруунун механизмин таба алган жок.
Өтүп бараткан аптада кыргыз оппозициясынын ишмердүүлүгү коомдук-саясий чөйрөнүн кеңири талкуусуна түштү. Буга оппозициядагы таасирдүү саясатчылар тобунун Орусияга иш сапары таасир этти. Бирок Москвада эки күн болуп кайткан саясатчылар сапардын максаты, жыйынтыктары, жолугушуулардын мазмуну тууралуу ачык маалымат таратышкан жок.
Өтүп бараткан апта коомдук-саясий чөйрөнүн эсинде жаңгак уюл чатагы менен кызматынан кеткен Жогорку Кеңештин мурдагы төрагасы Адахан Мадумаровдун кайтып бийликке келиши менен калды. Анын ордун ээлеп турган мурдагы коргоо министри, генерал Исмаил Исаков азыркы бийликтин саясаты менен келише албастыгын коомчулукка жарыялап, өткөн апта этегинде кызматынан кетип калган. Кадрдык бул өзгөрүүнүн чоо-жайы тууралуу “Апта окуясынын” ушул чыгарылышында сөз болот.
15-октябрда президент Курманбек Бакиев Жогорку Кеңештин мурдагы төрагасы Адахан Мадумаров Коопсуздук кеңешинин катчысы кылып дайындады. Ушул эле күнү президентти бийликтен кетирүү максатын көздөгөн революциялык жаңы кыймыл түзүлгөндүгү жарыяланды.
Жергиликтүү кеңештерге шайлоонун тыянагы боюнча жер-жерлерде соттук териштирүүлөр жүрүп жатат. Айрым соттук тыянактар арыз берүүчүлөрдүн пайдасына чечилүүдө. Нааразы тараптын кыйласы БШКны административдик ресурсту колдонууга жол берди деп сындоодо. Шайлоо тыянагын тааныбай турганын буга чейин “Акыйкат үчүн” коомдук кыймылы да жарыялаган эле. Борбордук шайлоо комиссиясы өз кезегинде болсо оппозициянын дооматтарын суу кечпеген доомат катары кабылдоодо.
Оппозициялык “Акыйкат үчүн” кыймылы ноябрда күтүлүп жаткан курултайда бийликтин бийик тепкичтериндеги акыркы саясий окуяларды өзүнчө маселе катары күн тартибине киргизбейт. Бул тууралуу кечээги координациялык жыйындын алдында лидерлердин бири Аликбек Жекшенкулов билдирди. Оппозициялык лидерлер кечээги отурумунда Кыргызстандын өнүгүү концепциясынын долбооруна толуктоолорду киргизип, курултайдын күн тартибин талкуулашты. Анткен менен БШКнын мурдагы төрайымы Клара Кабилова менен Коопсуздук кеңешинин мурдагы катчысы Исмаил Исаковдун билдирүүлөрү саясий чөйрөдө олуттуу маселе бойдон калууда.
Келерки жылы көз карандысыз мамлекеттер шериктештигин Молдова башкарат. КМШнын 10-октябрда өткөн Бишкек саммити ушундай жыйынтыкка келди. Башкаруу укугу Кыргызстанга берилген уюмдун быйылкы саммити аптанын олуттуу окуяларынын бири болду.
Бүгүн Бишкекте Кыргызстандын төрагалыгы астында КМШ кирген мамлекеттердин башчыларынын саммити өттү. Бишкек саммитине Украина, Азербайжан президенттери келбей калышты. КМШ курамынан чыгары тууралуу буга чейин жарыялаган Грузия мамлекетинен Бишкек саммитине бир да өкүл келген жок. Калган мамлекеттердин президенттери саммитке толук катышты.
Бүгүн КМШ мамлекеттеринин тышкы иштер министрлер кеңешинин Бишкек жыйыны өттү. Анда КМШ мамлекет башчыларынын Бишкек саммитине камылгалар талкууланды. Бул максатта министрлер күн тартибиндеги 24 маселени карашты. Алардын катарында транспорт коопсуздугу, энергетика, чегара кызматташтыгы, Грузиянын КМШдан чыгуу арызы, Абхазияда тынчтыкты колдоочу жамааттык күчтөрдүн ишмердүүлүгүн токтотуу өңдүү маселелер бар. Ошол эле мезгилде Абхазия, Түштүк Осетия эгемендигин таануу маселеси каралган жок.
Көз карандысыз байкоочулар 5-октябрда Кыргызстан аймагында өткөн жергиликтүү кеңештерге шайлоо одоно мыйзам бузуулар менен өткөнүн билдирүүдө. Ушул эле күнү БШК төрагасы Дамир Лисовский шайлоо ийгиликтүү өттү деп, добуш берүү тыянактары эки күн аралыгында толук чыгарылып бүтөөрүн кабарлады.
Президенттин баласы Максим Бакиев коркутуп-үркүтүп, кордоп, күн көрсөтпөй жаткандыктан аргасыз өлкөдөн башын аман ала качып чыгып кеткендиги жөнүндө БШКнын мурдагы төрагасы Клара Кабилованын калтырып кеткен жаңжалдуу билдирүүсү өткөн аптада бүтүн өлкөнү дүргүттү. К. Кабилованын ордуна Боршайкомго төрага кылып Жогорку Кеңеш БШКнын башка мүчөсү Дамир Лисовскийди бекитти. Баш прокуратура Кабилованын кайрылусу боюнча кылмыш иши козгоп, алгачкылардан болуп Максим Бакиевди суракка алды.
Дагы жүктөңүз
