Кыргыз-казак чек арасына жакын Казакстандын Кордай районунда 2000ге жакын этникалык кыргыз жашайт.
Улуу Британиянын Тышкы иштер жана эл аралык өнүгүү министрлигинин санкциялар боюнча директору Дэвид Рид Бишкектеги сапары жана Батыштын Орусияга салган санкцияларын сактоонун талабы тууралуу "Азаттыктын" суроолоруна жооп берди.
Кыргызстандын өкмөт өкүлдөрү сүткө байланыштуу чектөөлөрдү сүйлөшүү үчүн Москвага барды
Ак таңдай акын Элмирбек Иманалиевдин обондуу ырларын камтыган “Булбулум, булбулум ай” деген китеп жарык көрдү. Тарых музейинде өткөн иш-чарада акындын обондуу ырлары жаңырып, чыгармачылыгына арналган көргөзмө уюштурулду. 20-апрелде өнөр ээсинин көзү өткөнүнө үч жыл толду.
Лейлектин мурдагы Маргун, азыркы Мурас айылы Баткендин эң четки, облус борборунан алыс жайгашкан айылдарынын бири. Айылда элдин көбү мал чарбачылыгы менен тиричилик кылат. Ал эми кыз-келиндер колго соккон айтылуу Лейлек килемдери айылдагылардын негизги киреше булагы.
Сүрөтчү Нургуяна Иннокентьева Кыргызстандагы 2005-2010-жылкы ыңкылаптардын урунтуу учурларын чагылдырган “Революция портреттери” деген сериядагы сүрөттөрдү тарткан. Якут кызы 30 жылдан бери Кыргызстанда жашайт.
Кыргызстандагы көп улуттуу айылдардын бири Үч-Коргон - Баткен облусунун Кадамжай районунда жайгашкан.
Чүйдө 12 жаштагы баланы өз атасы денесинде соо же калтырбай сабаган окуя коомчулуктун нааразылыгын туудурду. Бир эмес бир нече жолу ур-токмокко кабылганы айтылган баланын атасы бир айга камакка алынды. Ал арада Ошто да үч жашар баланын өлүмүн милиция териштирип жатканы маалымдалды.
Үстүбүздөгү айда “Азаттык” радиосунун обого чыкканына 70 жыл толууда. “Эркин Европа/Азаттык үналгысынын” кыргыз кызматынын алгачкы берүүсү 1953-жылы 18-мартта ободо жаңырган.
Кыргызстандыктар Түркия менен Сириядагы жер титирөөдөн кийин жашап турган үйүнүн, көп кабаттуу имараттардын сапатынан шек санай баштады. Анткени курулуш иштеринде сеймикалык эрежелер эске алынбайт деп эсептешет. Мындан тышкары Бишкектин жогору жагындагы Ысык-Ата жаракасы да ойлонто турган маселе.
Парламент билим берүү жана илим министри кызматына талапкер Каныбек Иманалиевдин талапкерлигин 1-мартта колдоп берди. Билим берүү жана илим министрлигине жаңы жетекчи дайындалганы билим берүү системасын реформалоо сунуштары кайрадан айтылып жатат. Билим берүү тармагына кандай реформа керек?
Кыргызстанда иликтөөчү журналисттер кысымга кабылып, ишмердигине тоскоолдуктар көбөйгөнүн айтышат. Temirov Live редакциясы коопсуздук үчүн эки жылда төрт жолу кеңсе алмаштырганга мажбур болсо, “ПолитКлиника” басылмасы мамлекеттик телеканал менен соттошууга даярданып атат.
Былтыр жaйкысын Германияда иштеп келген студенттер укугу бузулуп, айлык акысын толук албаганын айтып чыгышты.
“Азаттыктын” изилдөөчү журналисти Улан Эгизбаевдин көзү өткөнүнө быйыл беш жыл болот.
Бишкекте бир апта мурда абактан чыккан аял эмчектеги баласы менен кризистик борборго жайгаштырылды.
Кыргыз Эл артисти Замирбек Сооронбаев саламаттыгына байланыштуу сахнага чыкпай калган акыркы жылдары «Театр – менин айтып бүтпөс дастаным» аттуу китеп жазды. Болочок актерлордун насаатчысы. Актер жана режиссер «Азаттыкка» сыябан маек курду.
24-ноябрда Украинанын Бахмут шаарына жакын жердеги салгылашта каза болгон 30 жаштагы Аяндын сөөгү жакында Кочкор-Атага жеткирилип, жерге берилди. Ал Кыргызстандын атуулу болгон, орус жарандыгын алган эмес. Абакта отурган жигиттин кандай жол менен Украинадагы согушка барып калганы беймаалым.
Кочкор районунда соңку бир айдан ашык убакыттын ичинде уюшкан кылмыштуу топтордун өкүлдөрү катышкан окуялар болду. Криминал менен "коюн-колтук алышкан" деген айып менен облустук ички иштер башкармалыгынын жетекчиси баштаган айрым милиция кызматкерлери иштен алынды, кээ бири камалды.
2011-жылы "Азаттык” токко урунуп эки колунан ажыраган Самат тууралуу атайын берүү даярдаган. Анда ал бир топ кыялдары менен бөлүшкөн. Азыр Самат жасалма кол салдырып, машине айдайт. Алты жыл мурун үй-бүлө күтүп, эки уулду болгон.
Дагы жүктөңүз
