Жылуулук электр борборунда болгон авария шаар тургундарын жүдөттү. Борбор калаанын көпчүлүк борборунда жылуулук да, жарык да жок. Шаар тургундары өз арбайын согуп күн кечирүүдө.
Кыргызстанда кышкы туристтик сезон кызыган маал. Тоого жана жылгаяк базаларына эс алууга баргандар чер жазып эле кайтпастан, оор жаракат алып, атүгүл каза болгон учурлар да катталууда. “Азаттык плюс” бул чыгарылышында жылгаяктын жыргалы менен азабын чагылдырды.
"Манас" аба бекетинин жанындагы Дача СУ конушуна "Боинг" үлгүсүндөгү жүк ташыган учак кулап түшкөн кандуу окуяга туура бир жыл болду. “Азаттыктын” “Данисте” телепрограммасынын бул жолку чыгарылышы апаттан кийинки элдин жашоосуна арналды.
Учак кырсыгы ондогон жылдар бою Дача айылында жашагандардын жүрөгүндөгү жараны кайра-кайра тырмап турары белгилүү, бирок кырсыктан жүрөгү үшүгөн элдин аң-сезиминде калган коркуу качан токтойт? 16-январь күнү саат 21:30да ЭлТРде “Данистенин” атайын чыгарылышында көрүңүз.
Бишкектеги №1 үй-бүлөлүк дарыгерлер борборунун 60ка жакын кызматкери Саламаттык сактоо министрлигинин алдына митингге чыгышты. Алар бейтапкананын жетекчиси Айдарбек Шакировду кызматтан алуу талабын коюшту.
Бегимай Жуматаева Кыргыз Мамлекеттик Медицина академиясында 6-курста окуйт. Ал аз камсыз болгон үй-бүлөлөргө көмөк көрсөтүү жаатында ыктыярчы катары таанымал.
Польшалык сүрөтчү Якуб Щепански Кыргызстанга чыгармачылык дем издеп келген. Арадан 3 жыл өткөндөн кийин жаңы жерде биротоло отурукташып калууну чечти.
"Азаттыктын" кабарчылары жыл ичинде саясат, адам укугу, маданият жана башка темаларды иликтөө, сюжеттерди тартышкан. Алардын ичинен эң көп көрүлгөн, талкууга алынып жана башкалар бөлүшкөн кызыктуу видеолордун тизмегин жарыялайбыз.
Мургабдан көчүп келген кайрылман үй-бүлөнүн таянар тоосу, 17 жаштагы кайратман кыз Рахаттын тагдырын “Азаттык” мындан төрт ай мурун чагылдырган болчу.
Кыргыз Республикасынын премьер-министри Көчмөндөр оюндары 2018-жылдын сентябрь айында өтөрүн расмий жарыялады
Бишкектеги мода көргөзмөсүнө модел катары чыккан Каниет Даун синдрому менен төрөлгөн. Өз дүйнөсү менен жашаган бала дартына карабай, ата-энесинин жашоосун түп-тамыры менен өзгөрткөн.
Түркиялык сүрөтчү Ахмет Догандын сүрөттөрүнөн кыргыз тоолоруна, жаратылышына болгон сүйүүнү байкоого болот. Сүрөттөрү менен туризм тармагына салымын кошуп келе жаткан мырза Кыргызстандан бейишти да тозокту да көргөн.
Жапон кызы Мэгуми Мацумото кыргыз балетинин ханышасы болууну көздөп, Абдылас Малдыбаев атындагы Улуттук опера жана балет театрында оюн көрсөтүүдө. Бий периштесин Кыргызстанга сүйүү жетелеп келген.
Муратбек Субакожоев Кыргызстан эгемендүүлүктү алган алгачкы жылдарында Теңир-Тоо дубаныда билим берүү тармагында үзүрлүү эмгектенип, Нарында бир катар окуу жайлардын, анын ичинде кыргыз-түрк “Сапат” билим берүү мектебинин ачылышына чоң салым кошкондордун бири.
Кыргызстандагы чет элдиктердин арасында ар тараптан өлкөнүн өнүгүүсүнө салым кошуп келаткандар бар. "Азаттык+" бул жолку чыгарылышында чет өлкөлүктөрдүн жашоосун чагылдырды.
Кыргызстанда кант диабети менен катталгандардын расмий саны 50 миңден ашуун. Бирок бул ооруну билбей жүргөндөр 200 миңге чукул экенин адистер белгилешет. 14-ноябрь, кант диабети менен күрөшүүнүн дүйнөлүк күнүнө карата Бишкекте диабетти аныктоочу атайын акция өттү.
10-ноябрда Чүй облусунун Сокулук районунда курулуп жаткан үйдүн плитасы кулап, кошуна үйдүн чатырына түшкөн. Кырсыктын кесепетинен туулган күн белгилеп жаткан беш адам жабыркап, бир аял каза болгон.
“Айылдык сүйлөйт” долбоорунун алкагында айыл жеринде ийгиликке жеткен адамдар менен жаштар Борбор Азиядагы Америка университетинде жолугушту. Анда элет жеринде чоңоюп, ийгилик жараткан онго жакын белгилүү адам өз ийгилик сырларын жаштар менен бөлүштү.
Борбордук шайлоо комиссиясынын бүгүнкү жыйынында 15-октябрдагы президенттик шайлоонун жыйынтыгы расмий жарыяланып, шайлоо өттү деп табылды.
Кыргызстанда шайлоо ырчылар үчүн киреше табуунун булагы экени жашыруун эмес. Президенттикке аттангандарды коштоп жүргөн шоу-бизнес өкүлдөрү талапкерлердин программасына көңүл бурушабы же көбүрөөк киреше табууга умтулушабы? "Азаттык плюс" берүүсүнүн бул жолку чыгарылышы ушул темага арналды.
Дагы жүктөңүз
