"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
4-июлга оогон түнү орус аскерлери Украинанын шаар-кыштактарына жапырт сокку уруп, жалпысынан 550дөй пилотсуз учак жана ракета атты. Анын алдында АКШнын лидери Трамп орус президент Путин менен телефондон сүйлөшкөнү маалымдалган. Трамп бул сүйлөшүүдө "эч кандай жылыш болбогонун" билдирди.
Орусия менен Азербайжандын ортосундагы чыңалуу дагы күчөдү. Бакуда орусиялык 8 киши баңги зат аткезчилигине жана киберчабуулдарга айыпталып камакка алынды. Соттон тартылган видеодо алардын уруп-сабалганын көрүүгө болот. Ага чейин "Спутник-Азербайжан" агенттигинини эки кызматкери кармалган эле.
Баку менен Москва ортосундагы чыңалуу күчөп баратат. Шейшембиде Орусиянын тышкы иштер министрлиги Азербайжандын элчиси Рахман Мустафаевди чакыртты. Мунун алдында Москва каржылаган “Спутник-Азербайжан” агенттигинин Бакудагы кеңсесиндеги рейдде эки адам кармалган.
Мыйзамсыз миграция АКШ жана Европа үчүн чоң көйгөйгө айлангандыктан, Батыш барган сайын келгиндерди Балканга жөнөтүүдө. Бирок чөлкөм мындай жүктү көтөрө алабы? Мигранттарды кабыл алуу аларга кандай пайда алып келет? Бул суроолорго Косово кызматынын кабарчысы Дорунтина Бафтиу жооп издеди.
Иранда жогорку лидер аятолла Али Хаменеинин ордун баса турган кишини тандоо комитети (Эксперттер ассамблеясы) акыркы күндөрдө өз ишин ыкчамдатты. Бул тууралуу бир нече булакка таянып Рейтер агенттиги жазды. Талапкерлер арасында Хаменеинин уулу Можтаб да бар.
АКШ президенти Дональд Трамптын Ирандын өзөктүк жайларын бомбалоо чечими Жакынкы Чыгыштагы кырдаалдын курчушуна алып келди жана жаңжалдын жайылуу коркунучун күчөттү. БУУнун хартиясы бузулганын билдирген Тегеран азырынча аскердик жооп кайтара элек.
Президент Дональд Трамп Израилдин Иранга каршы соккуларына АКШнын катышуусун караштырып жатат. Бул тууралуу бир катар маалымат каражаттары өз булактарына таянып жазышты. Ал тапта Израилдин армиясы шаршембиге караган түнү Ирандын аскердик объектилерине жана курал-жарак заводуна сокку урду.
АКШ Израил-Иран куралдуу жаңжалына түздөн-түз кийлигишсе, анын арты кандай кесепеттерге алып келиши мүмкүн? Рейтер жана AP сөзгө тарткан эксперттер уруш америкалык базалар жайгашкан Перс булуңдагы өлкөлөргө жайылып кетиши ыктымал экенин, дүйнөлүк экономикага чоң сокку уруларын болжолдошот.
Президент Дональд Трамп Израилдин Иранга каршы соккуларына АКШнын катышуусун караштырып жатат. Бул тууралуу бир катар маалымат каражаттары өз булактарына таянып жазды.
17-июнда Израилдин армиясы Ирандын куралдуу күчтөрүнүн жаңы кол башчысы жок кылынганын билдирди. Ага чейинки командачы 13-июндагы соккудан улам каза болгон.
16-июндун кечинде Израил Ирандын мамлекеттик телерадиокомпаниясынын имаратына абадан сокку урду. Бул тууралуу эл аралык медиа кабарлады. Иран менен Израил бири-бирин аткылоону токтоткон жок. Эки тарапта тең жай тургундар арасында өлгөндөр, жарадар болгондор бар.
АКШнын Лос-Анжелес шаарында мыйзамсыз мигранттарды жапырт кармоого каршы тутанган нааразылык акциялары уланууда. Шаарга улуттук гвардиянын бөлүктөрү жана деңиз күчтөрүнүн жөө аскерлери киргизилди. Калифорния штатынын бийлиги муну мыйзамсыз деп атап, Дональд Трамптын администрациясын сотко берди.
Украинанын дрондору Орусияда аскердик аэродромдорго чабуул койду. Орусия муну теракт деп жарыялады. Эксперттер ондогон учактын жок кылынышын - орус авиациясынын башына түшкөн каран түн катары сыпаттап жатышат.
АКШ Газада ок атууну токтотуу планына Израил көнгөнүн, сунуш АКШ менен Евробиримдик террордук уюм деп тааныган ХАМАСка берилгенин билдирди. Ал арада Франция анклавда гуманитардык абалды оңдоо чаралары көрүлбөсө Израилге санкция салынарын эскертти.
Орусия Украина менен тынчтык сүйлөшүүлөрүнүн эмки айлампасын 2-июнда Стамбулда өткөрүүнү сунуш кылды. Украина ага макул болгонбу же жокпу айтыла элек. Ага чейин Киев сүйлөшүүлөр алдындагы позициясын чагылдырган меморандумду Москвага тапшырганын, Орусия өз документин бере электигин билдирген.
АКШ президенти Дональд Трамптын администрациясынын Гарвард университетин чет элдик студенттерди окутуу лицензиясынан ажыратуу чечими талкуу жаратты. Окуу жайдын жетекчилиги жана айрым аналитиктер муну бийликтин кысымы катары баалап жатышат. Соңку маалымат боюнча, сот бул чечимди убактылуу бөгөттөдү.
БУУ Газадагы гуманитардык абалга тынчсыздануусун билдирип, азык-түлүк, дары-дармек тез арада жеткирилбесе арты апаатка айланарын эскертүүдө. Израил гумжардам ташыган машинелерди өткөргөнү менен бул жараян жай жүрүп жатканы кабарланууда.
АКШнын президенти Дональд Трамп Эр-Риядда Сириянын утурумдук жетекчиси Ахмед аш-Шараа менен жолукту. Катардагы сириялыктар санкцияларды алуу жөнүндөгү кабарга кубанып турса, Израил аш-Шарааны "жихадчы" деп сыпаттап, Батыштын аны менен мамиле түзүүсүнө каршы.
АКШнын президенти Дональд Трамп Орусия - Украина сүйлөшүүлөрүнө катышуу үчүн 15-майда Стамбулга барууну караштырып жатканын билдирди. Ал ортодо украин лидери Зеленский орус президенти менен гана жолугушууга даярдыгын билдирсе, Кремл азырынча Путиндин Стамбулга барарын бышыктай элек.
Дагы жүктөңүз
