Айгерим Акылбекова

Аялдар маршы: Теңчиликтин жарчысы

Аялдык бакытты даңазалаган укук маршы

Бишкекте «Аялдардын тилектештик маршы» өттү. Активисттер парламент имаратынын алдына чогулуп, Уркуя Салиеванын эстелигине барышты.

Ишкер аялдардын огожо өнөктүгү

Кыргызстанда “Ишкер аялды колдо” деген ат менен өнөктүк башталды. Анын максаты - ишкерликке ынтызар аялдардын бизнес жаатындагы мүмкүнчүлүктөрүн колдоого алуу болуп эсептелет.

Марсты көргүсү келген Айдатка

Суусамыр айылында Кыргызстандагы аялдардын ичинен биринчи болуп космоско учууну самаган 10 жаштагы Айдатка Кадыржанова жашайт. Эки жыл мурда анын социалдык тармакка илген каты ээсине жетип, кыргызстандык космонавт Салижан Шариповго жолуккан.

Балага эненин атын берген учурду сот териштирет

СОVID-19: Эмдөөгө даярдык кызыды

Кыргызстанда коронавируска каршы эмдөөнүн биринчи этабы март айында башталат. Өлкө боюнча СОVID-19га каршы эмдөөнү ишке ашыра турган ондогон дарыгерлер окутулду. Бишкектеги Республикалык иммунопрофилактика борбору ушул тапта вакцинаны туура сактоого даярданып жатат.

Сурамжылоо: Жол киренин кымбатташына макулсузбу?

Бишкек мэриясы кичи автобустарда жол акысын 15 сомго көтөрүүнү сунуш кылды. Бишкек шаардык кеңеши жол акысын көтөрүү маселеси эл менен талкуудан кийин чечилерин билдирди. Буга чейин жол акы боюнча талаш айдоочулардын митинги менен коштолгон.

Эне тилин сактагысы келген дунгандар

Бүгүн эл аралык Эне тил майрамы белгиленип жатат. Кыргызстанда дунган улутундагы 70 миңден ашуун калк жашайт. Улуу муундагы дунган тектүүлөр соңку жылдары эне тилин, салтын сактоо маселеге айланганын айтышат. Ивановка айылындагы мектепте дунган тили окутула баштаганына беш жыл болду.

Айдана Оторбаева эл аралык "Баатыр" наамын алды

Али Токтакунов иликтөө фондун ачты

Иликтөөчү журналист Али Токтакунов “Али Токтакуновдун МедиаХабы” фондун негиздеди. Ал 18-февралда Бишкекте медиа долбоордун ачылышын өткөрүп, фонддун максаты жөнүндө маалымат берди. Анда айтылгандай, бул фонд коррупциялык көрүнүштөрдү иликтөөгө көмөк көрсөтөт. Ошондой эле кино тармагына, кыргыз т

Кыздардын уул чакырган ысымдары

Кордук көргөн Ибрагимге ишкер үй берди

2015-жылы Бишкектеги балдар ооруканасына туугандарынан запкы жеп, зордукталып түшкөн эки жаштагы наристенин окуясы коомчулуктун үрөйүн учурган эле. Зомбулук көрсөткөн жакындары жазаланганы менен кичинекей Ибрагим өмүр бою майып болуп калды.

Бармен менен баристанын сыры

Нурмат Осмонбеков жана Баяман Ниязалиев Бишкекте «Бар академиясын» ачкан. Эки дос чет мамлекеттерде иштеп жүрүп, Кыргызстанда эл аралык стандарттарга жооп берген ыкмаларды үйрөтүүнү максат кылышкан. Азыр бариста (кофе даярдоочу) жана бармендик кесип боюнча окуулар жалаң англис тилинде өтүп жатат.

"Чагылгандай жаркырап жанып чыктың..."

Бишкектеги Бакен Кыдыкеева атындагы жаштар театрында коомдо резонанс жараткан журналисттик иликтөөлөрү менен таанылган Уланбек Эгизбаевдин жаркын элесине арналган «Уландын иши уланат» деген эскерүү иш-чарасы өттү. Маркум кесиптешибиз 12-февралда 31 жашка чыкмак.

Мэрге жарыбаган Бишкек

Бийликтин борбор калаанын жетекчиси боюнча чечимин өзгөртүшү "Бишкекке кандай мэр керек?" деген талкууну жаратты.

Бишкекке кандай мэр керек?

Борбор калаа башчылыгы эки күндөн бери коомчулукта кызуу талкууланган темага айланды. Ошол эле кезде Бишкек мэрине талаптар да аз эмес. Бишкекке кандай мэр керек? "Азаттыктын" кабарчысы ушул суроо менен шаар тургундарына микрофон сунду.

Шабдан - мекенчилдер айылы

Чоң Кемин өрөөнүндөгү Шабдан айылы бир жылдары “Новая Россия” деп аталып, анын калкынын 80% орустар түзгөн. Ушул тапта бул чакан айылда кыргыздар менен жуурулушуп калган он чакты орус үй-бүлө жашайт.

Элеттеги топ элеген кыз-келиндер

Чоң Кеминде кыз-келиндер арасында биринчи жолу баскетбол турнири өттү. Анда алты айылдын 55 жашка чейинки курактагы оюнчулары катышты. Турнир түйшүгү көп элеттик аялдарды колдоо максатында уюштурулган. Турнирге “Азаттыктын” кабарчысы күбө болуп келди.

Чемпион кыздарды таптаган Дүйшөн агай

Дүйшөн Жуманазаров кыз-келиндер күрөшү боюнча бир нече эл аралык мелдештердин байге ээлери Мээрим Жуманазарова менен Айпери Медет кызынын биринчи машыктыруучусу. Мээримдин атасы.

Бишкекти каптаган кара түтүн

Быйылкы кышта Бишкек бир канча апта дүйнөдөгү ыш каптаган эң кир шаарлардын алдыңкы сабында турду. Абадагы уулуу заттарды толук аныктаган иликтөө жүргүзүлө элек.