Дүйнөдө өткөн жумада болуп өткөн урунтуу окуялар учурунда тартылган эң кызыктуу сүрөттөрдүн топтомун сунуштайбыз.
Тарыхка жазылчу бир апта
1
Италиянын Генуя шаарындагы көпүрөнүн түркүктөрүн жардырган кезде асманга көтөрүлгөн чаң. 28-июнь.
2
Эки киши татарлардын улуттук Сабантуй майрамында кап менен урушуп, бири-бирин кулатууга аракет кылып жатышат. Орусиянын Сабинский аймагы, Мингер айылы.
3
Грузиядагы оппозициянын тарапташтары 27-июнда Тбилисидеги парламенттин имаратынын астына чыгып, ички иштер министрин демонстранттарга күч колдонгону үчүн кызматтан кетүүсүн талап кылышууда.
4
Махаража Ранжит Синхтин (Сикхтердин мамлекетин түптөгөн хан) өлгөнүнүн 180 жылдыгын белгилеп жаткан Лахордун сикхтери. 27-июнь.
5
Түгөйлөр Эйфел мунарасынын маңдайында жайгашкан Трокадеро фонтанында ысыктан сактанып жатышат.
6
Ирандык аялдар автобуста отурат. Тегеран шаары.
7
Иорданиялыктар Абдуллах II Хандын такка отурганынын 20 жылдыгын Иорданиянын борбору Амман шаарында белгилешүүдө. 25-июнь.
8
Евробиримдиктин желегин оронуп алган жигит Чехиянын премьер-министри Андрей Бабиштин кызматтан кетишин талап кылган митингге үстүнөн көз салып турат.
9
Оппозициячыл саясатчы Экрем Имамоглу жеңишке жетип, Стамбулдун мэрлигине кайтып келишин майрамдап жаткан жаштар. Түркия, 23-июнь.
10
Нева дарыясынын жээгине чогулгандар “Кызыл парус” деп аталган бүтүрүүчүлөрдүн майрамын белгилеп жатат. Бул майрам Санкт-Петербургда 18-25-июндун аралыгында белгиленет.
11
Индиянын Гуахати шаарындагы үй-бүлө чогулткан түшүмүн кургатып жатат.