13-20-август.
Нөшөрдөгү митинг, ажы кемпир, чокунган кыз
Апта ичинде дүйнө жүзүндө тартылган сүрөттөрдүн ичинен мыктыларын иргеп алдык.
1
Франциялык Татьяна-Мосио Прагадагы Влтава дарыясынын үстүнөн тартылган жиптен басып өтүп, эл аралык цирк фестивалынын ачылышын жарнамалоодо.
2
Нөшөрлөгөн жаанга карабай Гонконгдо жүз миңдеген адам 18-августта кайрадан өкмөткө каршы жүрүшкө чыкты. Кол чатыр кармагандар борбордук көчөлөргө толду. Уюштуруучулар көчөгө 1,7 миллионго чейин киши чыкканын билдиришти.
3
Киевдин көчөлөрүнүн бириндеги сүрөтчү өзү тарткан сүрөттөрүн сатып, кардарлардан колу бошогондо арактан куюп ичип коюп отурат.
4
Москва шаарында бараткан улгайган аял.
5
Авариялык жагдайга кабылып, Подмосковьедеги жүгөрү талаасына конууга аргасыз болгон Москва-Симферополь каттамындагы «Урал авиалиниялары» компаниясына таандык «Airbus A321» үлгүсүндөгү учак.
6
Кабулдагы балдар аттракциондо айланып жатышат.
7
Токойдогу өрт Грекиянын Контодеспоти айылын каптады.
8
Саудиялык аскерлер карыган аялды отургучу менен Жамарат көпүрөсүнөн көтөрүп өтүүдө. Ажылыкка баргандар бул жерден «шайтанга таш ыргытуу» жөрөлгөсүн жасашат.
9
Пакистандын эгемендигинин 72 жылдыгына арналган иш-чарада аялдар өз өлкөсүнүн гимнин ырдап жатып талашка түшкөн Кашмирдин желегин желбиретип турушту. Алар муну менен Кашмирде жашагандарга тилектештик билдиришти.
10
Беларустун Славгород шаарындагы дарыяга кичинекей кызды чөмүлтүп, чокундуруп жаткан учур.
