Түркияда окуган кыргызстандык Айпери Сейитбекова: Биздин жатаканада жашагандардын 100% чет өлкөлүктөр, 20 студентпиз. Паника болуп ыйлап жатышат. Ошолор менен алек болуп отурам. Азыр жатакананын тышка көрүнчү жарыктарын өчүрүп, жабылчу жердин баарын жаптык. Машиналардын сигналдары дагы деле басыла элек.
Reuters агенттиги Евробиримдиктеги булакка таянып кабарлагандай, бийликти басып алдык деп билдирген аскер жетекчилери Түркиядагы аэропорттор менен Стамбулдагы башкы жайларды көзөмөлгө алышты.
ИТАР-ТАСС: Түркияда ушу тапта 5 000дей орусиялык турист бар.
Bloomberg Түркиянын коңшусу Болгария чек араларын кайтарууну күчөткөнүн билдирет
Эрдогандын резиденциясы тарапта аскердик тик учактар ок чыгарганы, ал тарапка жай тургундардан турган бир топ адам жөө жүрүш жасап баратканын "Хүрриет" гезити жазууда.
Режеп Тайып Эрдоган CNN каналына Скайп аркылуу байланышып, түрк жарандарын аянттарга, аэропортторго чыгып, демократияны коргоого чакырды. Ошондой эле президент Эрдоган жакынкы убакытта Анкарага келерин билдирди. Мен дале Түркиянын президентимин жана аскерлердин кол башчысымын, деп эскертти ал.