Талант Мамытов: Элибиз президенттик башкарууну тандаган. Ошого баш ийип отурабыз. Мурдагыга караганда бир топ укуктар чектелди. Хронологиядан чыкпай ишти алып барсак туугандар.
Каныбек Иманалиев: 6,5 миллион элдин атынан Конституцияны иштеп чыгууга кандай акысы бар? Кантип 30 эксперт элдин атынан Баш мыйзамды жазат?
Ош облусунда же Баткенде талкуу болдубу? Аймактарда талкуу болбогондон кийин бул Бишкектин эле мыйзамы болуп калат.
Экинчиден, бул Баш мыйзамда сегиз ката жүрөт. (Каныбек Иманалиев "Табият менен таттуу мамиледе болуу, адилеттүүлүгү" деген сөздөрдү сындады).
Ирина Карамушкина: Бүгүн референдум өткөрүү маселеси гана каралышы керек болчу. Бул жерде Баш мыйзамдын жаңы долбоорун өткөргөнү жатасыңар. Биз араң кутулган президенттик башкарууга кайтканы жатабыз. Эскиге кайтуунун кандай зарылчылыгы бар?
Силер өлкөдөн кеткен жарандардын агымы көбөйүп жатканын билесиңерби? Алар келечекке ишеними жок болгону үчүн кетип жатат.