Үрөйдү учурган учак кырсыгы
Бүгүн, 16-январда эртең менен жети жарымдар чамасында түркиялык компанияга таандык "Боинг-747" үлгүсүндөгү жүк учагы Бишкектин түндүк тарабындагы "Манас" аба бекетинин жанына кулап түшкөн. Өзгөчө кырдаалдар министрлиги билдиргендей, кырсык Чүй облусунун Сокулук районундагы Дача-Суу аймагынын жанында, "Манас" аэропортунан анча алыс эмес жерде болду. "Манас" аба бекети Бишкектен 30 чакырым түндүктө жайгашкан. Алдын ала маалыматтарга ылайык, авиакырсыкта мерт кеткендер саны отуздан ашты. Алардын төртөө экипаж мүчөлөрү, калганы кыргызстандыктар. Гонконгдон Стамбулга бараткан учак май куюу үчүн "Манас" абамайданына конууга аракет кылганы кабарланууда. Кырсыкка кабылган учак түркиялык АСТ Havayolları компаниясына таандык болгон.
Чыгарылыштар
-
Сентябрь 29, 2025
АКШ: Трак айдоого америкалык жарандар гана тартылат
-
Сентябрь 27, 2025
Орусияга жүк ташыган айдоочулар нааразылыгын билдирип чыгышты
-
Сентябрь 26, 2025
Бишкек Москванын бензин “туткунуна” түштүбү?
-
Сентябрь 26, 2025
Орусияда концерт учурунда мигранттар кармалды
-
Сентябрь 26, 2025
Батыш Палестинаны тааныганы Газага эмне берет?
-
Сентябрь 26, 2025
Адахан Мадумаров: Шайлоодо байларга артыкчылык берилүүдө