Марат Аманкулов: Биз баарын мыйзам чегинде өткөрүүгө аракет кылганбыз. Мыйзам бузуулар болсо аны карап териштирүү керек. Азыр эл аралык коомчулук бир гана президенттин бийлигин таанып атат. Президент калышы керек, таза болбосо шайлоо өткөнчө Конституциянын гаранты катары калышы керек.
Өткөндө, 10-октябрда жыйынга кечигип келгем. Канча депутат келгенин секретариаттан сурап билүү керек.
Улан Примов: Бардык саясий күчтөр мамлекеттин кызыкчылыгын жогору коюшу керек. Садыр Жапаровду шайлоо жыйынына катышкан эмесмин. ЖМКдан уктум. Мен азыр президенттин кызматтан кетишин туура эмес деп эсептейм. Бул жерде шайлоонун жыйынтыгына нааразы күчтөр чыгып, ал акыры бийлик талашка айланып кетти. Кандай партия болбосун анын артында шайлоочулары бар. Мен шайлоо таза өттү дегенден алысмын. Бирок биздин Алайда баарын таза өткөрүүгө аракет кылдык. (Улан Примов "Биримдик" партиясы менен шайлоого катышкан - ред.). Бирок бардык саясий күчтөр биригип, мамлекеттин кызыкчылыгын алдыга коюшу керек.
Аида Касымалиева: Мен өкмөт башчынын шайланышы боюнча ошол эле пикирдемин. Кворум болгон жок. Процедуралар сакталган жок. Ошонун баарын эске алганда премьер-министрдин шайланышы легитимсиз.
Иса Өмүркулов: Ак үйдүн ичиндеги оокаттын баары талкаланды. Анын баары мамлекеттики. Элдин акчасына келген оокат. Андан тышкары инвесторлорго кылган мамилебиз. Ушундан кийин Кыргызстанга ким келет? Моралдык күнөө баарыбызда бар. Өтпөй калган, шансы жок партиялар да көчөгө чыкты. Бул жерде ийри отуруп, түз кеңешүү керек эле. Эмоциябыз күчөп кетти.
Садыр Жапаровду өкмөт башчылыкка шайлоого катышкан жокмун. Андыктан баары мыйзам чегинде болушу керек. Мен анда Садыр Жапаров өтүп атканын билген эмесмин.