Бишкектин Биринчи Май райондук сотунун 12-марттын кечиндеги чечими менен “Темиров LIVE” редакциясынын кызматкери Акыл Орозбеков үй камагына чыкты.
Медианын мурдагы кызматкери Жумабек Турдалиев эч кайда чыкпоо тууралуу тил кат менен бошотулду.
Редакция кызматкери, Кыргызстандан күчтөп чыгарылган иликтөөчү журналист Болот Темировдун жубайы Махабат Тажибек кызы эки айга камакта калды.
Ушуну менен 12-мартта он бир кишинин сегизи - “Темиров LIVE” редакциясынын кызматкерлери Максат Тажибек уулу, кабарчысы Айке Бейшекеева, редакциянын мурдагы кабарчысы, “Нур пресс” медиасынын журналисти Жоодар Бузумов, Азамат Ишенбеков, Махабат Тажибек кызы, “Темиров LIVE” редакциясынын мурдагы журналисти, учурда “Арча Медиада” (мурдагы Next TV медиасында) иштеген Сайпидин Султаналиев жана азыр “Алга Медианы” иштетип жаткан Актилек Капаров, 2022-жылы жайында “Темиров LIVE” каналынан кетип, ошол жылдын сентябрынан тартып “ПолитКлиникада” иштей баштаган Тыныстан Асыпбековдун камактагы мөөнөтү дагы эки айга узарды.
Калган үчөө - долбоор кызматкерлери Сапарбек Акунбеков, Акыл Орозбеков үй камагына чыгарылды, ал эми мурдагы кызматкер Жумабек Турдалиев да тил кат менен чыкты.
Иликтөөчү журналист Актилек Капаров дагы 2 айга камакта калтырылды