Жогорку сот Temirov Live жана “Айт, айт десе” долбоорлорунун жетекчиси Махабат Тажибек кызын жана кызматкери Азамат Ишенбековду абакта калтырды. Журналист Айке Бейшекеевага берилген үч жылдык пробациялык жаза да өзгөртүлгөн жок. АКШ Бириккен Улуттар Уюмунда Орусиядан Украинадагы аскерлерин тез арада чыгарып кетүүнү талап кылган резолюцияга каршы добуш берди. Кыргызстан калыс деген позициясын билдирди. Бишкекте автоунаалардын тетиктерин саткан эң чоң базар – “Кудайбергенде” чоң өрт чыгып, базардын 3 миң чарчы метри күйдү. Кырсыктан жабыр тарткандар жок.