Бишкектин Эски аянтында өткөн айт намазга 35 миңдей киши келди. Бул тууралуу шаардык милициянын басма cөз кызматынан "Азаттык" радиосуна билдиришти. Намаздын алдында Курман айттын мааниси тууралуу муфтий Максатбек Токтомушев жана башка кызматкерлер айтып беришти. Президенттин атынан анын кеңешчиси Мухамметкалый Абулгазиев жана Бишкектин мэри Албек Ибраимов кыргызстандыктарды куттукташты.